Albistea entzun

Frantziako Tourra

Talde lana oinarri duen Tourra

Jon Iriberri Jumbo-Vismako biomekanikaria da, eta, haren esanetan, «taldearen gidoiari» jarraituta irabazteak «konfiantzaz» bete du Jonas Vingegaard, Frantziako Tourreko garailea.
Jumboko bost txirrindulari, Vingegaarden Frantziako Tourreko garaipena ospatzen, Parisen.
Jumboko bost txirrindulari, Vingegaarden Frantziako Tourreko garaipena ospatzen, Parisen. MANTEY STEPHANE / EFE Tamaina handiagoan ikusi

Beñat Mujika Telleria -

2022ko uztailak 26

Jon Iriberri (Bilbo, 1974) Jumbo-Visma taldeko biomekanikaria da. Jonas Vingegaardek Frantziako Tourra irabazi eta hurrengo egunean, haren poza nabarmena da. Zortzi urte daramatza proiektuan lanean, eta «talde lana» da lehiatzeko sekreturik handiena. Amsterdameko Ajax eta Zeelanda Berriko All Blacks taldeetatik hartutako pentsamoldearekin egiten dute lan Jumbo-Visman.

Iriberriren lana da bermatzea txirrindulariak ahalik eta errendimendurik handiena ateratzen diola bizikletari. Entrenamenduen kantitatearen garaia den honetan, «mugimenduen kalitatean» jartzen du begirada; teknikan, alegia. Lesioak saihesteko orduan ere garrantzitsua da haren lana, eta txirrindulariekin une oro dauka harremana. Ondo ezagutzen du aurtengo Tourreko irabazlea. Bi urte daramatzate taldean elkarrekin Vingegaardek eta Iriberrik, eta emaitza bikainak lortu dituzte.

Tadej Pogacar (UAE) zen faborito nagusia Tourra irabazteko, baina ezustekoa emanda nagusitu da Vingegaard. 25 urterekin iritsi da maila gorenera danimarkarra, eta, Iriberriren hitzetan, oso «diziplinatua» da bere lanean. Gertutasunean «jatorra» bada ere, danimarkarrek berezkoa omen duten «zuzentasuna» ere agerikoa da maillot horiarengan.

Tourra haren herritik bertatik abiatu zen, eta aurkezpen egunean negar malkotan amaitu zuen zaleen aurrean. Inguruari «oso lotuta» bizi da. Sentimendu estu batek lotzen du Danimarkarekin, eta «oso pertsona familiarra da», Iriberriren iritziz. «Horrek lasaitasuna ematen dio gero bere lana ondo egiteko», gehitu du.

Iriberrik nabarmendu duenez, Vingegaard Jumbo-Vismara heldu zenean, zuzendaritzak «zalantzak» izan zituen taldera ondo egokituko zen ala ez, baina ohartu da «gidoiari jarraituta» gauzak ondo ateratzen direla, eta horrek «konfiantzaz» betetzen du. Konfiantza hori Parisen bertan erakutsi zuen. Maillot horiak argi utzi du datorren urtean ere Tourra dela bere helburua. Prestakuntza aldetik egutegia finkatzea izango da taldearen eta izar berriaren lana, baina, Iriberriren iritziz, «udaberriko klasikoetan» trebatzea da logikoena.

Bi liderrekin iritsi zen Jumbo-Visma aurtengo Tourrera. Vingegaard baino faboritoagoa zen Primoz Roglic bera, baina errepideak bere hautua egin zuen. Zenbat lider eramatearen eztabaida ez da berria. Batzuek bakarra nahi izaten dute, eta beste batzuek bi edo gehiago. Jumbo-Vismak «beti» izaten du ordezko plan bat. «Gure ustez, komenigarria da bi lider izatea. B plana izatea gustatzen zaigu, karta bakarrera jokatu gabe», esan du Iriberrik.

Horrek askotan arazoak ekarri ohi ditu zenbait taldetan. Hori dela eta, biomekanikariak garbi dauka «hasieratik argi» utzi behar dela «zein den taldearen helburua, eta zein bigarren aukera». Horretarako, talde lanean sinetsi beharra dago. Elkarrekin irabazten dugu da taldearen leloa, eta hori «barneratua» dute guztiek. «Bere kabuz irabazi nahi duen edonork ez dauka tokirik gure taldean», zehaztu du Iriberrik.

Vingegaarden unerik onena Granonen gora izan zen. Hiru minututik gorako aldea atera zion esloveniarrari, eta han jo zuen lehen kolpea mahai gainean. Haren gorputzaldia izugarria izan bazen ere, erasoak ez zuen ezustean harrapatu Iriberri, beti baitaramate bidea «aurreikusita», eta estrategia eginda. «Badakigu non, noiz eta nola min egin. Oso neurtuta eta ahalik eta kontrolatuenen eramaten ditugu lasterketak», azpimarratu du.

Taldea nola lehiatzen den ere argi ikusi da Frantziako Tourrean. Azkeneko urteetan oso talde «erasokorra» izan da Jumbo-Visma. «Denok batera egiten dugu eraso, eta lasterketa desblokeatzea da gure helburua».

Porrotetatik ikasitakoak

Garaipenaren gozoa dastatzen ari da Jumbo-Visma azkeneko urteetan. Goi mailako errendimendua erakutsi dute, eta taldearen bilakaera nabarmena izan da. «Hamabost bat langile hasi ginen lekuan, 120 gaude orain». Talde gisa irabazi dute aurtengo Frantziako Tourra, eta ez edonola, gainera; maillot horiaz gain, mendikoa, berdea, eta sei etapa garaipen lortu dituzte. Taldearen estrategia aldatu den arren, lana egiteko modua bera da. «Aurreko bi urteetan galdu egin dugu. Aurten, gauzak ondo atera zaizkigu».

Porrotetatik ikastearen garrantzia ere azpimarratu du Iriberrik. «Galtzen esperientzia handiagoa du taldeak irabazten baino», eta horrek «hausnartzeko» balio izan dio taldeari: «Taldean galtzen ikasi dugulako irabazi dugu orain», nabarmendu du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Mendian arriskua kudea dezakezu, baina ezin duzu desagerrarazi»

Jon Artano Izeta

Mendi gidaria da, eta gidarigaien irakaslea. 30 urte daramatza Huarazen, Peruko Mendikate Zurian, eta ezagun du. 'Pucha', 'cachuelo', 'chibolo'... Ande-kontrako gaztelaniaren hitzak darabiltza, eta hango airea ere badu haren jardunak: 'empesar', ahoskatzen du, 'haser'... «Euskalperutarra» dela dio; herrialdeko mendigoizalerik onena dela esan izan dute hangoek.
Gai dela berretsi du

Gai dela berretsi du

Jon Ander De la Hoz

Julen Alberdi 'Txikia IV.a'-k estreinakoz irabazi du Urrezko Kopa, Iker Vicenteri eta Mikel Larrañagari aurrea hartuta: «Lan exijentea izan zen».

Nacho Monreal jokalaria, 2021eko irudi batean. ©Javier Etxezarreta, EFE

Nacho Monrealek futbola utziko du

Uxue Rey Gorraiz

«Garai bat bukatu da. Beste bat hasi. Zoriontsu naiz», azaldu du futbolari nafarrak sare sozialetan zabaldutako mezu batean. Hamasei urte egin ditu futbol profesionalean; Osasunan eta Realean horietako hainbat.

 ©NADETH AGIRRE

«Gure arraun egiteko erari eustea izan da arrakastaren gakoa»

Julen Etxeberria

Oriok hirugarrenez irabazi du Euskotren liga, baita Nadeth Agirrek ere. Baina gehiago nahi dute. «Zarautzen irabazi nahi dugu, lana biribiltzeko. Gero, Kontxan nagusitu nahi dugu».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...