Albistea entzun

Esukal Herriko Itzulia. ERRELEBOKA

Michael

Julen Gabiria - Idazlea

2022ko apirilak 9

Horrelakoa da Michael Goolaerts: jakin-mina datorkio derrepente, nor izan ote zen Euskal Herriko Itzulia irabazi zuen azken flandriarra, eta badoa palmaresean behera, 1929ra heldu arte; duela ia 100 urte, pentsa. Gauzak sinplifikatzearren, ondorioztatzen du lasterketaren aro modernoan (horrela deitzen dio 1969tik aurrerakoari) ez dela irabazle flandriarrik egon. Nahiko luke lehenengoa izan, baina zail dauka: Verandas Willems-Crelan taldea desagertu zenetik, noraezean dabil, dinbi-danba talde batetik bestera, mailan gorago batzuetan, apalago osterantzean, eta horrela ez dago talde handien arreta erakartzerik. Ez dirudi bera izango denik Itzulia irabaziko duen hurrengo flandriarra.

Disimulatu ezineko inbidiaz begiratzen die Verandaseko taldekide ohiei: hor dago Dries De Bondt, adinean aurrera baina gauza distiratsuak egiten; hor dago Tim Merlier, esprinterren olinpo betean; eta hor dago, nola ez, hor dago batez ere bere lagun handia, Wout van Aert, zer esan hari buruz, aipatze hutsarekin dena esanda badago. Irabaziko ote du inoiz Woutek Euskal Herriko Itzulia, ala errazagoa izango da Michaelek talde on bat lortzea behingoz, eta mundu osoari erakustea nolako talentua duen?

Oraingoz ezin duenez besterik egin, telebistaz ikusiko du gaurko etapa, eta datorren astean ere berdin: Paris-Roubaix, zer erremedio, telebistaz. Horrelakoa da Michael: talde handiagoekin amets egiten jarraituko duen modu berean, ez du berehala onartuko duela bost urte hil zela, atzoko egunez hain justu, Viesly eta Briastre herrien arteko harbideko bihurgune batean, Paris-Roubaix korritzen ari zela, 23 urterekin bihotzekoak emanda. Eta berak ez: beste flandriarren batek irabazi beharko duela Itzulia, beraz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MARISOL RAMIREZ / FOKU

«Jokalariak joan diren arren, multzo indartsua daukagu»

Ainara Arratibel Gascon

Luzera begirako helburuei baino gehiago, Unzuek «eguneroko lanari» erreparatu nahi dio. Uste du hori dela goiko postuetan egoteko bidea. Lehiakor izan nahi dute beste behin ere.
Berazubin aurkeztu zen atzo Euskal Herria Kopako. ©ANDONI CANELLADA / FOKU

Euskal Herria Kopa prest dago

Ainara Arratibel Gascon

Alaves-Eibar eta Reala-Athletic izango dira finalerdietan. Finala irailaren 4an jokatu da

Irati Osa piraguista entrenamenduetako batean. ©BERRIA

Ur lasaiak, laster bilakatzen

Pettan Uralde

Irati Osak beste domina bat gehitu dio bere sarien zerrendari. Zumaiarrak brontzezko domina lortu zuen aurreko astean, Danimarkako Europako Txapelketan, K2 mailan.

Serena Williams Wimbledoneko neurketa batean, aurtengo ekainean. ©ANDY RAIN

Serena Williamsek erretiroa hartuko du

Uxue Rey Gorraiz

Tenislari estatubatuarrak iragarri du Estatu Batuetako Irekia izanen duela azken txapelketa. Orduan esanen dio agur tenis profesionalari, 40 urterekin. 23 Grand Slam irabazi ditu orain arte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...