Alemaniaren sasoia Argentinaren defentsaren aurka
Alemaniak eta Argentinak Munduko Kopako finala jokatuko dute gaur Rio de Janeiron, Maracana estadio mitikoan. Alemania sasoi betean da, Brasili 1-7 irabazi ondoren. Joachim Loewek hutsune bakarra du, Mustafi hegalekoarena, baina ondo estaliko du Lahmekin, eta azken bi partidetako hamaikakoa errepikatuko du. Alejandro Sabellak, aldiz, defentsan du jarria fedea, eta aldaketa gutxi egingo ditu. Aguerok hasieratik joka dezake, eta zaila dirudi Di Maria prest egotea.
Alemaniak zortzigarren finala du, eta hiru aldiz izan da txapeldun. Argentinak, aldiz, lau jokatu ditu, eta bi irabazi. Bi final jokatu dituzte elkarren aurka, eta bana irabazi: Argentinak 1986an, eta Alemaniak 1990ean. Alemaniak irabaziko balu, lehen Munduko Kopa izango luke bateratu zenetik. Era berean, Amerikan Munduko Kopa bat irabazten duen kontinentetik kanpoko lehen selekzioa litzateke.
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
