Zabala eta Estevez irabazle boulder txapelketan

Isaac Estevez eta Itziar Zabala ondo aritu dira boulderreko finalean, Iruñean. 80 eskalatzaile inguruk parte hartu dute
Irati Zabala, Itziar Zabala eta Irantzu Porres.
Irati Zabala, Itziar Zabala eta Irantzu Porres. EKAITZ ANDA Tamaina handiagoan ikusi

Unai Ugartemendia -

2019ko otsailak 19

Itxura oso ona zuen larunbatean Iruñeko BiHatz eskalatzeko hormak. Aitzakia: Euskal Herriko boulder txapelketak. Open modalitatea ere jokatu zen. 80 eskalatzaile inguru bildu ziren guztira. Bukaeran, bi txapeldun: Isaac Estevez eta Itziar Zabala.

Nabarmentzekoak dira txapeldunak, baina baita txapelketan falta ziren goi mailako eskalatzaileak ere: Mikel Linazisoro, Eneko Carretero eta Esparta anaiak. Espainiako selekzioaren egonaldi batean zeuden laurak, eta ez zuten parte hartu.

Gizonezkoetan, Isaac Estevez izan zen onena. Jaiotzez ekuatoriarra da Estevez, baina urte batzuk badaramatza Bilbon. Ez zuen bere onena eman finalera iritsi zen arte. Bazekien sasoi onean iritsi zela txapelketara. «Oso ondo sentitu naiz txapelketan zehar. Finala ere oso entretenigarria izan da, eta oso gustura nago Euskal Herriko txapela jantzita». Estevezek Ander Mendieta arrasatearra eta Iñaki Arantzamendi ondarroarra izan zituen txapelaren lehiarako borrokan.

Emakumeetan, Itziar Zabala zen faboritoa. Hala ere, ez zen onena izan finalera iritsi aurreko lanetan. Sailkatze fasean ez zuen onena eman beharrik izan finalera sartzeko. Finalean, ordea, erakutsi zuen koska bat gorago dagoela, eta bere onena emateko gai izan zen finalean: «Txapelketan ez naiz sentsazio onenekin ibili, baina gustura bukatu dut emaitzarekin». Urte garrantzitsua izango du aurtengoa dimoztarrak, olinpiar jokoetan izateko aukera ahaztu gabe. Irantzu Porres eta Irati Zabalak ere txapelketa bikaina osatu zuten, eta erakutsi zuten badela etorkizuna emakumeen artean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna