Albistea entzun

Maite Maiora. Mendi korrikalaria

«Lehen aldiz ariko naiz halako distantzian, eta beldurra ematen dit»

JUAN CARLOS RUIZ / FOKU Tamaina handiagoan ikusi

Unai Ugartemendia -

2019ko abuztuak 22

Inoiz baino lasterketa gutxiago eginda ariko da Maite Maiora (Mendaro, Gipuzkoa, 1980). Urte hasieran, UTMBra bideratu zuen denboraldia, eta, orain aste gutxi, mendiko triatloi batean ere parte hartu du.

Nolako gorputzaldiarekin iritsiko zara lasterketara?

Hasiera batean, ez dut arazo fisikorik, eta oso gogotsu eta motibatuta nago. Pena eta dena ematen dit prestakuntza amaitzeak, oso bide polita izaten ari baita. Inoiz egin ez nituen ibilbideak egiten ari naiz, lehen ezinezkoak zirenak, eta, alde horretatik, oso uda berezia izaten ari da aurtengoa. Ilusioz beteta nago.

Aurreneko aldiz lehiatuko zara ehun miliako lasterketa batean. Prestaketa berezirik egin al duzu?

Bai, sekula ez bainuen horrelako lasterketa bat prestatu behar izan. Azken hilabeteak lasterketa honi begira entrenatzen aritu naiz bereziki, eta, horregatik, ia ez dut lasterketarik egin. UTMBra begira egindako egutegia izan da aurtengoa.

Zerbaiti ba al diozu beldur berezirik?

Gehienbat, distantziari, kontuan hartzeko zenbakiak baititu. Gero, urdailak ere nola erantzungo didan ikusi behar dut. Jana eta edana ondo barneratzeak ere berezko ardura sortzen dit.

Estreinakoa izan arren, jada faboritoen artean zaude. Zer diote ingurukoek?

Zerrenda ere ez dut ikusi! Erabakia hartu nuenean, banekien gerta zitekeen zerbait zela, baina ez diot horri inolako garrantzirik ematen. Ingurukoek ni neu izateko esaten didate.

Helburu berezirik ba al duzu lasterketarako?

Ahalik eta azkarrena iristea helmugara, kar-kar.

Zer emaitza lortuta itzuliko zinateke pozik etxera?

Dena eman dudala ikusita, pozik izango naiz. Noski, ahal bada, lehen postuetan ibili nahiko nuke. Halere, ezin dut aurretik ezer pentsatu, nire tokia non dagoen ez baitakit oraindik.

Podiumarekin amestu al duzu?

Amets egitea libre izaten da, eta uste dut denok amets egiten dugula. UTMBko podiuma, Zegama-Aizkorriko podiumaren antzeko lorpena izango litzateke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñaki Williams, 2018. urtean, euskal selekzioarekin. ©Endika Portillo / Foku

Iñaki Williamsek Ghanarekin jokatuko du Munduko Kopa

Paulo Ostolaza

Ghanak Qatarko Munduko Kopa jokatuko du azaroan, eta ziurrenik han izango da Athleticeko jokalaria. Azaldu duenez, bere familia da erabakia hartzera bultzatu duen arrazoi nagusia.

Aurreko finala Danimarkak eta Herbehereek jokatu zuten. ©VINCENT JANNINK /EFE

Parekotasuna eta ikuskizuna

Ainara Arratibel

Bi urtez atzeratu ostean, gaur hasiko da Eurokopa. Irene Paredes, Lucia Garcia eta Damaris Egurrola han izango dira; baliteke Amaiur Sarriegik ere jokatzeko aukera izatea, Alexia Putellasen lesioa tarteko

Wout van Aert (Jumbo-Visma), garaipena ospatzen, atzo, Calaisen. ©YOAN VALAT / EFE

Laugarrenean jarri dio ginga Van Aertek

Beñat Mujika Telleria

Jumbo-Vismak erakustaldia eman du estrategia erasokor batekin. Van Aertek lider jarraituko du, eta aldea handitu. Gaur harbideen txanda izango da
Aldaregia eta Mujika. ©I. ZABALETA / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...