Albistea entzun

BAM dinamikak euskaldunak ikusarazi nahi ditu Lapurdiko hirigunean

Baiona, Angelu eta Miarritze izango ditu egitasmoak eragin eremu. 450 pertsona bilatzen dituzte euskararekin lotura duten hamalau engaiamendu praktikan jartzeko, azaroaren 27tik abenduaren 3ra
Dozenaka herritar batu ziren atzo, Baionan egin aurkezpenean.
Dozenaka herritar batu ziren atzo, Baionan egin aurkezpenean. I.MIQUELESTORENA Tamaina handiagoan ikusi

Eneko Etxegarai Urain -

2017ko urriak 25 - Baiona

Herritar talde batek BAM izeneko egitasmoa aurkeztu zuen atzo: Baionan, Angelun eta Miarritzen (Lapurdi) «zazpi egunez euskaraz bizitzeko» asmoa dute. Azaroaren 27tik abenduaren 3ra arte, guztira 450 hiztun mobilizatzea dute helburu antolatzaileek. Bea Salaberriak azaldu duenez, bi xede jakin ditu dinamikak: bat, «euskara ikusgarriagoa bilakatzea», eta bestea, «hiri ingurunean» egitea hori.

Euskararen aktibazioarekin lotuta, antzeko hainbat proiektu izan dira Euskal Herrian, baina hein horretako lehena da BAM Iparraldean. Astebetez, parte hartzaileek egitasmoan definitutako desafioak errespetatzera konprometitu beharko dute; guztira hamalau engaiamendu hartuko dituzte, hala nola euskaraz kontsumitzea, telefonoz lehen hitza euskaraz egitea, eta sare sozialetan euskara erabiltzea. Aldez aurretik, norbanakoak formularioa osatu eta profila bete beharko du. Bi profil mota izango dira: ahobizi eta belarriprest.

Ahobizi kategoria «euskaraz mintzo eta edozein egoeratan euskaraz bizitzeko» gai sentitzen direnentzat egina da. Belarriprest profilak, berriz, ongi etorria egingo die «euskara ulertu bai baina edozein egoeratan hitz egiteko gai sentitzen ez direnei». Ordu eta erdiko formakuntza saioa ere egin beharko dute parte hartzaileek, eta hiru egun finkatu dituzte jada: azaroaren 14an, Miarritzen, Elkarteen Etxean, 18:30etik 20:00era; azaroaren 15ean, Baionan, Elkarteen Etxean, ordutegi berean; eta azaroaren 18an, Angelun, Manex Goihenetxe kultur etxean, 10:30etik 12:00etara. «Ariketa eta kontzeptu batzuei esker, hainbat egoeratara egokitzeko tresna praktikoak transmitituko dira». Abenduaren 3an esperimentazioaren bilan «subjektibo eta objektiboa» egingo dira.

Desafioa eta erronka

Gisa bereko beste dinamiketatik inspiraturik, Bea Salaberriak honela azaldu du egitasmoaren zergatia: «Baiona-Angelu-Miarritze euskalduntzeko erronka munduko handiena bada ere, begi positiboekin begiratzen dugu». 113.000 pertsona bizi dira lurraldean, hots, Ipar Euskal Herriko populazioaren heren bat: %14 da euskararen ezagutza, eta %2 erabilera. Antolatzaileen erranetan, 9.000 pertsona euskaraz mintzo dira, eta beste 6.800ek ulertzen dute. «Guztira 15.800 solaskide ditu euskaldun batek BAMen». Lapurdiko hiri eremua maiz «kezka iturri» dela diote antolatzaileek, baina era berean «estrategikoa» ere badela.

Ordurako hamabi egunez 118 pertsonak eman dute izena parte hartzeko; %84 ahobizi eta %14 belarriprest. Euskaldunen ahalduntzea helburu duen dinamikako eramaile Eneko Gorrik honela zioen atzo: «Bakoitzak bost pertsonari aipatzeko konpromisoa hartzen badu, iganderako kopurua betea dugu». Hala ere, pozik agertu dira antolatzaileak izena eman duen jende kopuruarekin. %44 Baionakoak badira ere, Miarritze eta Angelukoak ere parte hartzera animatzen dituzte: «Harrapatuko gaituztela espero dugu», azaldu du Saralegik. Ekinaldiak iraungo duen asterako hainbat jarduera antolatu dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxe bateko zerbitzaria, atzo, Donostian, bi bezeroren COVID ziurtagiriak egiaztatzen. ©JON URBE / FOKU

Ostalariek ez dute polizia (ere) izan nahi

Maddi Ane Txoperena Iribarren Ane Eslava

Atzotik, Euskal Herri osoan da indarrean COVID ziurtagiria. Araba, Bizkai eta Gipuzkoako 50 lagunetik goitiko jatetxeetako langile eta bezeroek egun batetik bertzera egokitu behar izan dute neurrira
Otxarkoagako bizilagunak, protesta batean, asteartean. / ©Aritz Loiola, Foku

Betiko zerbitzua gura dute Otxarkoagan

Ibai Maruri Bilbao, Bizkaiko Hitza

Kutxabankek astean egun bitara murriztu du Bilboko Otxarkoaga auzoan dagoen bulego bakarreko leihatila zerbitzua. Bizilagunek protestak hasi dituzte. Bankuek, oro har, Bizkaian, bulegoen %45 itxi dituzte azken hamabi urteetan. Kutxabankek dio erabilera gutxitu delako hartu dutela erabakia.

Miren Basaras. / ©Aritz Loiola, Foku

«Pandemiak loa galarazi dit niri ere»

Ibai Maruri Bilbao, Bizkaiko Hitza

Miren Basarasek esan du txertoak «oso onak» izan arren, transmisioa eteteko neurriak ezinbestekoak direla. Uste du askatasunaren izenean txertoari uko egiten diotenak «berekoiak» direla.

Donostiako Antigua Auzoko Osakidetzako osasun zentroa. ©GORKA RUBIO / FOKU

«Ezin dugu martxa honetan segitu»

Oihane Puertas Ramirez

Lehen mailako arretako langileek salatu dute baliabideak falta zaizkiela. COVID-19a dela eta, osasun etxeetako lan karga «izugarri» handitu zaie, eta «gainezka» daudela sentitzen dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.