Arrauna

Donostiarrak amaiera biribila eman dio uztailari

Lehendabizikoz nagusitu da Euskadiko Txapelketan. Oriorekin lehia estua izan eta gero, azken zatiko olatuetan bikain aritu da
Donostiarrako arraunlariak garaipena ospatzen atzo, Lekeition.
Donostiarrako arraunlariak garaipena ospatzen atzo, Lekeition. J. C. RUIZ / FOKU

Mikel O. Iribar -

2020ko abuztuak 1

Orain arte denboraldiak eman duena ikusita, bazirudien, iaz bezala, Oriok irabaziko zuela Euskadiko Txapelketa. Usteak erdi ustel. Aurtengoan, talde bat badago indartsuenari gauzak zail jartzen zaizkiona eta sortzen zaion aukera apur hori ongi baliatzen duena: Donostiarra. Atzokoan ez zion garaipenak ihes egin, eta historiako lehendabiziko Euskadiko Txapelketa irabazi zuen, Lekeition (Bizkaia). Modu horretara, donostiarrek amaiera biribila eman diote uztailari.

Itsaso petrala eta lantza giroa zeuden. Arraunzaleentzat, behinik behin, zirraragarria. Zoriak trapua etxeratzeko faboritoak ziren bi talde elkarren ondoan egotea ekarri zuen: Donostiarra lehen kaletik, eta Orio bigarrenetik. Bi ontzi horiekin batera, Isuntza eta Lutxana joan ziren. Bi luzeko estropada izanda, lau traineruetako arraunlariek bazekiten itsasoko epaileari begira erne egon behar zutela irteera ona egin ahal izateko. Donostiarrak eman zituen lehen palada azkarrenak, eta tosta pare bat aurretik jarri zen aurkariekiko. Oriok besteek baino motzagoak eman ohi ditu lehen hiru palakadak, baina bizi hasi zuen lehen txanpa. Bitartean, Ondarroa eta Lutxana bi segundo atzetik ziren.

Aurreikuspenak bete egin ziren. Oriok eta Donostiarrak hartu zuten estropada burua, Txiki ontzia metro gutxi aurretik zihoala. Segundoko aldearekin iritsi zen ziabogara. Maniobraren ostean, Txiki ontziak lehen olatua hartu zuen, eta ontzi baten abantailarekin jarri zen, baina, zegoen itsasoarekin, nahikoa zen olatu bakarrarekin galdutako sei segundoak berehala berreskuratzea. Donostiarrek ez zuten burua galdu, eta parean jartzea lortu zuten, baita aurrea hartu ere.

Estropada amaitzeko 400 metro falta zirela, Torrekua ontziko Natalia Tubio patroia fin ibili zen; pare bat olatu hartu, eta ez zituen askatu. Orio zuloan zela, bost segundoren tartea zabaltzea lortu zuen. Seguru ziren donostiarrak. Orio handik hiru segundora iritsi zen; Ondarroa, 44ra; eta Lutxana, minutu eta hamabostera.

Itzuli da Arraun Lagunak

Bi astez koronabirusaren eraginez lehiatu gabe egon ondoren, Lugañene ontziko arraunlariek bazuten gogoa lan txukuna egiteko, eta hirugarren lekuan geratu dira, lehen txandan Tolosaldea, Isuntza eta Deustu aise garaituta. Dena den, hasierako lehen luzean, Tolosaldeak lanak oso zail jarri zizkien Arraunekoei. Ziabogara parean iritsi ziren, baina, itzulerakoan, Arraun Lagunak-ek, eskarmentua lagun, hanka egin zuten.

Argi erakutsi zuten zerbaitegatik daudela Euskotren ligan. Laugarren kaletik txukun aritu ziren eta amaieran hirugarren denborarik onena egin zuten. Tolosaldeak ia hogei segundo geroago zeharkatu zuen helmuga. Deustu izan seigarren, 39ra, eta Isuntza geratu zen zazpigarren lekuan, 42ra.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Gasteizko zahar etxe bateko egoiliar bat bisita jasotzen. ©David Aguilar/EFE

Arabako eta Gipuzkoako zahar etxeetako hamar langilek positibo eman dute

Berria

Gainerako langileei eta egoiliarrei probak egin dizkiete, eta ez da kasu gehiago atzeman oraingoz.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak desberdintasunak sakondu dituela dio Emakunderen txosten batek

Maddi Ane Txoperena Iribarren

Gizon eta emakumeen osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Emmanuel Macron Miarritzen (Lapurdi), artxiboko irudian. ©Bob Edme

Zaintza langileentzako sari bat hitzeman du Macronek

Oihana Teyseyre Koskarat

Adinekoez eta elbarrituez arduratzen diren zaintzaileek 1.000 euroko «COVID saria» jasoko dute. Frantziako Estatuak 80 milioi euroko diru laguntza emanen die departamenduei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Mikel O. Iribar

Informazio osagarria