Albistea entzun

Athleticek gutxienez gol bat behar du Kopako finalean egoteko

Haritz Gallastegi -

2021eko martxoak 4

Athleticek hiru aldiz bisitatu gura du Cartuja denboraldi honetan. Sevillako (Espainia) estadioa zapaldu zuen lehen aldian Superkopa irabazi zuen. Bigarren aldia apirilaren 3an izango du, Realaren kontra jokatu beharreko Espainiako Kopako finalean. Eta gaur Levante kanporatzen badu, apirilaren 17an hirugarrenez jokatuko du Cartujan. Baina, horretarako, ondo jokatu beharko du gaur, lehen aldiz Espainiako Kopako finalerako sailkatu gura duen Levanteren kontra. Athletic neurketa irabaztera zelairatu beharko da.

Zuri-gorriek gutxienez gol bat sartu behar dute aurrera egiteko. Premia horrek apur bat behartu lezake haien jokoa. Baina Marcelino Garciak taldearen ardura hartu zuenetik zerbait erakutsi baldin badu, gol sena erakutsi du. Teknikari espainiarrak zuzendu dituen hamahiru neurketetan sartu egin du gol bat Athleticek. Gainera, defentsan egiten ari den lanak ematen du baikor izateko motiborik. «Ausart eta ziurtasunez jokatu behar dugu bi areatan, eta partida ondo aztertzen jakin», adierazi zuen teknikariak.

Iñigo Martinezi lau partidako zigorra jarri diote Sergio Leonekin izandako ika-mikarengatik. Berez, ezin du jokatu gaurko partida. Baina Athleticek helegitea jarri du Lehiaketa Batzordean, eta kautelazko neurriak eskatu ditu, gaur jokatu ahal izateko. Atzelariak taldearekin bidaiatu du. Bestalde, litekeena da Unai Lopez eta Yuri hamaikakora itzultzea. Halaber, De Marcosek ere lekua izan dezake eskuin hegalean atzelari zein erdilari gisa.

LEVANTE-ATHLETIC
Levante: Cardenas; Miramon, Coke, Rober Pier, Duarte, Clerc; Malsa, Rochina, De Frutos; Morales eta Roger.
Athletic: Simon; De Marcos, Yeray, Nuñez, Yuri; Vesga, Unai Lopez, Berenguer, Muniain; Williams eta Raul Garcia.
Epailea: Del Cerro Grande.
Lekua: Valentzia Hiria.
Ordua: 21:00 (Cuatro eta Dzan).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©BERRIA

«Athleticek erakutsi du finalean Bartzelonari irabaz diezaiokeela»

Haritz Gallastegi

Athleticeko kapitain ohiaren ustez, talde zuri-gorriari kosta egiten zaio finaletan berea ematea. Hala ere, itxaropentsu dago Bartzelonaren kontrako partidari begira. Taldea «ondo» dagoela iritzi dio.
Erik Jaka, Baikorekin kontratua sinatzen, atzo, enpresaren egoitzan, Bilbon. ©BAIKO PILOTA

«Aurrerapausoa da niretzat»

Julen Etxeberria

Erik Jakak eten egin du Asperekin zuen kontratua, eta Baikon ariko da maiatzaren 1etik aurrera, 2024ko abenduaren 31ra arte. Hilaren 24an jokatuko du azken lehia Asperekin

Erik Jaka, Baikorekin kontratua sinatzen, gaur. ©Baiko

Baikok Erik Jaka fitxatu du

Julen Etxeberria

Buruz buruko txapeldunak eten egin du Asperekin zuen kontratua, eta enpresa berriarekin ariko da maiatzaren 1etik aurrera. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.