Albistea entzun

Urmuga. IRITZIA

Maxe

Felipe Uriarte - Urmugaren antolatzailea

2021eko uztailak 25

Ibilaldia osatu ondoren, plazer handiz entzun genuen Alos Quartetek Urbian eman zuen kontzertua. Xabier Zeberio eta kideak indar handiz aritu ziren. Zeru urdinean, azalore erraldoien antzeko itxura zuten kumuluak bidaia lasaian igarotzen ziren urmugaren gainetik. Alostarren musika, belarditik gora egin, eta hodeien bidaiara lotzen zen. Txundituta jaitsi ginen Arantzazura. Gozo hartu gintuen Goiko Bentara zuzenean eramaten duen bidezidorrak. Maxe neskatila, 16 urte, irribarrea ezpain-ertzean beti, hurbildu zitzaidan, eta galdera egin zidan: «Felipe, zer da denbora?». Begiratu nion, zain nuen haren irribarre gardena. Egia erantzun nion: «Jakingo banu, Maxe!». Isilik jarraitu genuen ibiltzen, bat bestearen parean. Bere irribarrearen fereka igarri nuen. «Ez dizut esango zer den denbora, baina, nire bizitzaren aldapa honetan, denboraren bi ezaugarriei erreparatu diet. Gazte denboran, zure kasuan orain, Maxe, denbora zerbait infinitua da. Badirudi ez dela sekulan bukatuko, zure orainetik etorkizunera denbora tarte infinitua duzula, eta tarte amaiezin horrek mundu misteriotsu eta erakargarriak dituela zurentzat gordeak. Beste ezaugarria, norberaren unearen arabera sentitzen dugula denbora: zerbait plastikoa edo biguna. Badira garaiak non, astebetek astebete irauten duen. Badira aroak, non astebetek astebete baino gutxiago irauten duen. Neguan asteak askoz luzeagoak dira, astia duzu gauzak lasai egiteko; astelehenetik asteazkenera, hiru egun dira hiru egun osoak. Udan, astea astelehenean hasten da, baina konturatu orduko ostegunean zaude». Gure berbaldian murgildurik, Goiko Bentara heldu ginen. Zain genuen euskal sagardo freskoa. Lehenbiziko sagardo zurrutaren txinpartan, begira nuen Maxeren irribarrearen burbuilak sumatu nuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

Bel Pozueta, dokumentalean ©Marmoka Films

TV3ek Amets Arzallusen 'Altsasu (gau hura)' dokumentala emango du bihar

Urtzi Urkizu

Arzallusek Marc Parramonekin batera egindako lana Miarritzeko Fipadoc jaialdian ere emango dute, ostegunean. TV3ek, bihar bertan, Altsasuko auzian zigortutako bi gazte protagonista dituen beste dokumental bat estreinatuko du.

 ©Nagore Legarreta

«Sagardoaren prezioa igotzea erabaki behar izan du sektoreak»

Miren Garate - Gipuzkoako Hitza

Mitxelenak esan du sagardotegi garai "berezia" datorrela aurten; izan ere, lehen asteetan behintzat, ezingo da zutik kontsumitu. Mahaira ekarriko dute sagardoa, pitxerretan edo botila gardenetan, iaz bezala.

1 ©GORKA RUBIO / ARGAZKI PRESS

«Arrano Etxearen historia amaitu egin da»

Enekoitz Telleria Sarriegi

«Bizi proiektu bat» animalien zaintzari emana. Horixe da Albisu eta Garcia senar-emazteek Igeldoko euren etxean sortu eta jorratu dutena: teilatupea eta babesa. Aitortza nahikorik gabeko boluntario lana.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.