Albistea entzun

URMUGA. IRITZIA

Irati-Santiago

Miguel Zeberio - Urmugaren antolatzailea

2021eko uztailak 28

Aurrekoan buhameen antzera genbiltzala nioen, baina ibiliak esan dit erromesak garela, kontrako norabidean, mendebaldetik ekialdera baikoaz. Eta hori nola jakin dudan? San Salbatoreko kaperara iritsi garenean. Aurretik ere bagenituen horretarako zantzuak, baina jabetu ez. Iazko soinu bandaren leloa Tapiaren Compostela zen hain xuxen. Eta aurten ere berberarekin bukatzekoak gara Erremendian. Gure aitak zioen hil bezperetan, Santiagora egindako erromesaldian, bi bizipenek markatu zutela bere alderraia: barne gogoeta eta bidean topatutako harremanak. Gureak ere bi oinarri horiek berak ditu. Jendartearekin lortutako konplizitateari buruz aurrekoan hitz egin nuen. Gogoeta, berriz, ematen ditugun musikek finkatzen dute; egiten ditugun hautuak duen helburua musikarion arteko eta ikusleekin trukea du xede. Horretarako aurrejuzkurik eta etiketarik gabe edozein hizkuntzatan egiten saiatzen gara. Ez dut uste, esan ohi den bezala, musika hizkuntza unibertsala denik. Kode minimo batzuen ezagutzarik gabe ez dago komunikaziorik. Alboan ditugun artisten emaria ezaguna du haien jarraitzaileak. Guk kantu bera beste manera batean eta ohikoak ez dituzten artisten konbinazioak eskaintzea besterik ez dugu proposatu. Aldiz, bai iradoki dugula arrazoi batengatik edo bestearengatik doinu bat edo beste. Erresuma Batuan herrikoia bihurtu den Gabriel's Message aireari, Sting edo Peter Gabrielen ahotan ezaguna egin denari, ezinbesteko deritzot gure kantutegi espiritualean. Berez Xuberoako Birjina gaztetto bat kantua baita. Baigorri bezalako herri loriatsuari elegantzia zor diogu. Verdiren Nabucco Donostiako Orfeoiaren ahotik entzutea zinez eskertu baitute. Iazko bizipenen ondoren, Gorka Benitezek Baigorri-Bidart obra sortu eta guk eskaini dugu. Eta, noski, edonon kontzertu bat borobiltzeko Tapia eta Leturiaren doinuek pizten dute herritarrengan sua, herriak bere egin ditu, beste askoren artean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

 ©Iñigo Uriz / FOKU

Argako erregina betierekoa

Edurne Elizondo, Nafarroako Hitza

Estefania de Paz aktoreak liburu batean jaso du Remigia Etxarren funanbulista iruindarrari buruz idatzitako antzezlana. Ahanzturari egin behar izan dio aurre De Pazek, lehen mailako artista horren bidea ezezaguna baita iruindar gehienentzat. Aktoreak Etxarren oroitu eta «imajinatu» nahi izan du.

Jende anitz bildu zen Iruñeko Alde Zaharraren Egunean; irudian, auzoko erraldoiak, Nabarreria plazan. ©IDOIA ZABALETA / FOKU

Auzo bizi baten erakusgarri

Iker Tubia

Jende anitz atera da karrikara Iruñeko Alde Zaharraren Eguna ospatzera. Gizarte eragileek auzolanean antolatzen dute jarduna, eta haien lana karrikan ezagutarazteko baliatzen dute.

 ©BERRIA

Maskulinitatearen mamia

Itsaso Jauregi

Gizontasunaren eredu tradizionalaren oinarriak ikertu dituzte hainbat ikerlarik: boterea, indarkeria eta beste gorputzak kontrolatzeko nahia dira horietako batzuk. Gizakiaz besteko animaliak kontsumitzea maskulinitatearen euskarria dela argudiatzen dute antiespezistek.

 ©IDOIA ZABALETA / FOKU

«Nahi dudanean, nahi dudanarekin eta nahi dudan bezala kantatzen dut nik»

Iker Tubia

Flamenko «purua» kantatzen 'maisu' deitzen dute, baina ez du ogibide hori izan. Ijito herriarentzat dena nahi du, eta horren alde lan egiten jarraitzen du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.