Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Koronabirusa

Neurri sozialak luzatzea adostu dute EH Bilduk, PSOEk eta UPk

Argindarraren, gas naturalaren eta uraren mozketak debekatzea, etxegabetzeak etetea, eta «egoera zaurgarrietan» alokairuaren ordainketa atzeratzea bildu dute akordioan

Erredakzioa -

2021eko urriak 20

EH Bilduk atzo ilunabarrean jakinarazi zuenez, koalizio subiranistak akordioa lortu du Espainiako Kongresuko PSOE eta UP Unidas Podemosekin, pandemia garaian etxebizitzari eta oinarrizko hornikuntzei buruz harturiko neurriak «beharrezkoa den bitartean» mantentzeko. EH Bilduk aurkezturiko legez besteko proposamenak kongresuko gehiengoaren sostengua lortu zuen atzo, eta biharko osoko bilkuran onartuko dute, PSOErekin eta UPrekin adostutako erdibideko zuzenketarekin.

Espainiako Gobernua osatzen duten alderdiek neurri horiei eusteko konpromisoa idatziz hartzea «lortu» du EH Bilduk, koalizioak jakinarazi duenez, «izaera iraunkorreko beste mekanismo batzuk indarrean sartu arte». Horri esker, «mekanismo berriak onartzen diren bitartean, neurri sozialak behar den denboran luzatuko dira», EH Bilduk azaldu duenez: «Horrela, familia, pertsona eta kolektibo ahulenek etxegabetzeen eta oinarrizko hornidura mozketen aurkako babesa izaten jarraitu ahal izango dute».

Zehazki, hauek dira lortutako akordioak: argindarraren, gas naturalaren eta uraren horniduraren mozketak «behar den denboran» debekatzea, «bizitoki alternatibarik gabeko» etxegabetzeak etetea, eta alokairuaren ordainketa aldi baterako atzeratzea «egoera zaurgarrietan». Hiru alderdiek atzo arratsaldean izenpetutako idatzian jaso dutenez, neurri horiek lege dekretu bidez luzatuko dituzte datorren urriaren 31 baino lehen, egun horretan amaitzen baita «ezarritako epea».

«Ahulenak babesteko»

EH Bilduk uste du akordioak «pandemiak eragindako krisi sozioekonomikoaren ondorioz egoera latzean edota bazterketako arriskuan dauden pertsonen beharrei» erantzungo diela. Oskar Matute bozeramaileordearen hitzetan, hain zuzen, «erdietsitakoa pandemiak gogorren jo dituen sektoreen egoera zertxobait arintzeko aurrerapausoa da». Azpimarratu du «espazioak» bilatu behar direla «etxebizitza duina, energia, argia eta ura oinarrizko eskubideak badira, horiek bermatzeko».

EH Bilduk positiboki ikusi du «ezkutu sozialeko aldi baterako neurrien iraupena zabaltzea», eta «txalotu» egin du Espainiako Gobernuko alderdiek erabaki hori babestu izana. Koalizioak uste du «ezinbestekoa» dela horretarako mekanismoak sortzea, «egoera sozial eta ekonomiko ahulean dauden herritarrei modu eraginkorragoan» aurre egiteko: «Urte eta erdi baino gehiagoan neurri horiek posible izan badira eta kolektibo ahulenak babestu badituzte, ezinbestekoa eta premiazkoa da hala izaten jarraitzea; eperik gabe, adabakirik gabe, modu iraunkorrean, betiko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

PANDEMIA BATEN LEHEN KONPASAK

A. Iraola - G. Berasategi

Ofizialki 1981. urtean jakinarazi ziren oraindik izenik ez zuen eritasun batek eragindako lehenengo kasuak: orain lau hamarraldi. Hiesaren pandemiaren hasiera izan zen. Bereziki erasokorra izan zen lehen urteetan; botikarik ez zen, eta diagnostikatu eta urte gutxira hiltzen ziren paziente asko.
 ©BERRIA

Hiltzaile iheskorraren erradiografia

Ion Orzaiz

Urteetan, galdera ugari eragin ditu GIB birusak komunitate zientifikoan. 40 urteko ibilbidearen ostean, inkognita gehienei erantzuna ematea lortu du zientziak. Ohikoenetako batzuk bildu ditu BERRIAk.
Josu Imanol Unanue, Udiarraga Garcia eta Joseba Errekalde, elkarrekin. ©RAUL BOGAJO / FOKU

«Administrazioaren akuilua izan ginen»

Arantxa Iraola

Josu Imanol Unanue, Udiarraga Garcia, Joseba Errekalde. Diagnostiko batek guztiz markatutako hiru bizitza dira, ia osorik emanak GIB birusa dutenen eskubideen aldeko ekintzailetzara. Hirurentzat, 80ko urteetan hasi zen bizitzaren zati hori, izurria agertu zenean, bortitz: aski gazteak ziren orduan. Aparteko indarra dute hiesaren pandemiaz dituzten oroitzapenek, egiten dituzten gogoetek , eta memoriaren lausoetatik berreskuratu beharrekoak dira. Esanahi erantsia dute, gainera, orain: beste pandemia baten erdian.
Donostian, Kursaalean, GIBdunei elkartasuna erakusteko xingola gorria argiztatuta. ©JON URBE / FOKU

GIBarekin bizitzen, gaur

A. Iraola - O. Teyseyre Koskarat

Urtero atzematen dira positibo berriak. Infektatuek badituzte aparteko arazoak; gizartean nor izateko bidean sortuak dira gehienak: 'GIB sozialak' eragindakoak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.