Noiz sortua: 2017-03-05 00:30:00

BI AHOTSETARA

Kesh jendea

Antton Iturbe -

2017ko martxoak 5
Urretxuko KU gaztetxea. Atanas Akerstra eta Alvaro Barriusoren kontzertua. Mirespen pittin bat, inbidiazko beste bat, ironia franko, ezjakintasun nabari eta paternalismo ugari nahasten dituen «a ze friki parea!» entzun dut sarreran. Ikusle moduan bertaratu garen lau katu arraroak sailkapen maila berean sartzen garela ere suposatu dut, ironia dezente eta inbidia izpirik ez duen irribarrez.

Dena dela, gaztetxearen barnean, bai Roge Atanasek baita Alvarok ere, gitarra eta ahots soilaz baliatuz, aho bete hortz utzi gaituzte bere ekitaldi bitxiekin. Rogek beste planeta bateko edo, agian, beste dimentsio bateko mezuak dakartzala dirudi oholtzaren gainera igo eta mikroarekiko distantziarekin etengabe jokatuz, aretoa, oihu, hasperen, orro eta onomatopeia erritmikoz betetzen duenean. Alvarok, bere aldetik, Ursula K Leguin poetak sortutako Kesh herrialdearen kontakizunak oinarritzat hartuz, surrealismo magikozko doinu liluragarriak oparitu dizkigu. Arrarotasunaren ospakizuna, bada.

Baina, zer da arraro izatea? Eta zer da normala? El Desvan del Macho taldeko Jose G. Izkuek zioenez, normaltasuna errepikapen etengabez ezarri eta ondorioz onartutako ohitura eta erritu jakinen bilduma baino ez da. Horrexegatik ere, deseraiki eta berreraikitzeko ahalmena dugu, eta ahalmen horrekin ederki jokatzen dute Rogek, Alvarok, Josek edota guztien maisu handia den David Lynchek (KUren paretetatik at, Twin Peaks-eko baso misteriotsuak zabaltzen zirela irudikatu nuen saioaren une askotan). Arrarotasunean barna egin ahal izateko, norberaren eremu erosotik ateratzeko ganora eta beldurra gainditzea da gakoa, baina oparia ederra da gero.

El Desvan disko berria ateratzera doa eta, ziurrenik, aurreko guztiak bezala, frikien zirkulu txikitik ez da aterako. Haren doinu eta hitz aldrebesez gozatzea bihotzez gomendatzen dizuet, baina, batik bat, honen edo beste inoren bitartez eta nahi duzuen moduan, barnean duzuen frikiari ateak noizbehinka irekitzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Osasungintzako langileak txaloka, Nafarroako Ospitalean, Iruñean. / ©Idoia Zabaleta, Foku

Sintomarik ez dutenen artean test azkarrak egingo dituzte Hegoaldean

Berria

Pedro Sanchezek bilera egin du autonomia erkidegoetako presidenteekin, eta pertsona asintomatikoen artean milioi bat froga azkar egingo dituztela iragarri du. Horiek isolatzeko azpiegiturak prestatzeko eskatu die.

 ©IÑIGO URIZ / FOKU

Etxea ikasgela

Garikoitz Goikoetxea

Itxialdiak hankaz gora jarri du irakaskuntza: etxean ari dira ikasleak, irakasleak eta gurasoak. Pantaila edo telefono bidezkoa da irakasle-ikasleen arteko erlazio bakarra. Hezkuntzaren erronkak ageri-agerian geratu dira egunotan: adibidez, desberdintasun sozialak orekatu beharra. Etxealdian arriskuan egongo da hori.

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna