Athleticek eta Realak goiko postuei begira jarraitu nahi dute

Zuri-gorriek Real Madrilen zelaian jokatuko dute, eguerdian. Natalia Arroyoren taldeak Sporting Huelva hartuko du arratsaldean
<b>Realeko jokalariak Logroñori sartutako goletako bat ospatzen.</b>
Realeko jokalariak Logroñori sartutako goletako bat ospatzen. LA LIGA Tamaina handiagoan ikusi

Ainara Arratibel Gascon -

2020ko azaroak 15

Egutegi trinkoa izan dute azken bi asteetan Athleticek eta Realak. Lau partida jokatu dituzte zuri-gorriek Espanyolen kontrako aurreko asteburukoa bertan behera geratu zen COVID-19agatik eta bost txuri-urdinek. Gaur izango dute partida maratoi horietako azkena. Athleticek Real Madrilen zelaian jokatuko du (12:00), eta Realak, Zubietan, Sporting Huelva hartuko du (Gol, 18:15). Gora begira jarraitu nahi dute bi taldeek.

Angel Villacamparen taldeak asteazkenean galdu zuen sasoiko lehen neurketa, Levanteren aurka: 0-2. Gaur, berriro ere emaitza bolada onari heldu nahi dio. Baina ez du nolanahiko aurkaria izango aurrean. Tacon taldea erosi, eta lehen denboraldia du maila gorenean Real Madrilek. Izarrez jositako taldea da. Tartean dago Maite Oroz zuri-gorrien jokalari ohia. «Ez da partida arrunta: jakitun gaude nolako eragina duen Real Madrilen kontra jokatzea», aitortu zuen atzo partida atariko agerraldian Villacampak. Baina bere taldean egin nahi izan zuen azpimarra: «Levanteren aurka ez genuen asmatu zuloak topatzen, ezta jokoa nahi bezala hegaletatik zabaltzen ere». Real Madrilek buruz buruko jokaldietan min handia egiten duela nabarmendu zuen. «Baina oraindik ez dago Lyon, Wolfsburg eta Bartzelonaren pare». Asteazkenean, adibidez, Granadillak 2-1 irabazi zion. Gaurko neurketari begira, Garazi eta Ane Azkona dira jokatu ezinda dauden jokalariak Athleticen.

Realak, berriz, garaipen garrantzitsua lortu zuen asteazkenean Logroñon: 0-2. Bertan ez zen egon Barbara Latorre. Baina osatu da, eta Elene Lete da gaurko partidarako deialditik kanpo geratu den jokalari bakarra. Sporting Huelva sailkapenaren behealdean dago. Puntu bakarra lortu du, eta entrenatzailea ere aldatu du. Baina puntu hori Atletico Madrilen aurka lortu berri du, eta Zubietan jokatu duen azken lau aldietan irabazi egin du. Natalia Arroyo Realeko entrenatzailea ez da fio. « Defentsan lan ona egiten du, eta partidako une erabakigarrietan ondo moldatzen da». Bere taldea ondo ikusten du: «Logroñoren aurka, taldeak izatea nahi dugun ezaugarrietako asko erakutsi zituen».

Eibarrek Bartzelonaren kontra jokatu behar zuen, baina, taldean izandako hiru COVID-19 kasuak tarteko, ostegunean Sevillaren kontra jokatu beharreko lehia bezala, atzeratu egin da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©MIKEL SAIZ

«Bolada txarra ez du jokamolde berriak ekarri»

Eñaut Agirrebengoa

Azken lau partidetatik hiru galdu ditu Osasunak, baina ez dago kezkatuta Unai Garcia. Hori bai, urtea amaitu aurretik «estutu» egin behar dutela uste du, «erregularrago» jokatuz.
Ander Altuna prestatzailea, Awet Andemeskel Gebremedhin eta Aratz Imaz, iazko Italiako Giroko etapa baten hasieran. ©BERRIA

Bizikleta puskatu dio gerrak

Aitor Manterola

Etiopiako gatazkak han harrapatu du Awet Andemeskel Gebremedhin txirrindularia. Hilabete pasatxo da Aratz Imaz haren lagunak ez duela haren berririk. Bila ari da.
 ©Foku

Eten zaio bolada ona Athletici

Aitor Manterola

Galdu egin du Celtaren aurka San Mamesen (0-2), bigarren zatian jaso dituen bi golekin. Bi partida zeramatzan galdu gabe, eta etxeko azkeneko hirurak irabazita zeuzkan.

 ©ORDIZIA

«Etxetik urrun egon arren, etxean sentitzen naiz»

Mikel O. Iribar

Zelaian jokalari otzana da, baina langile fina, Ampo Ordizia taldeko bigarren lerroan giltzarri izateraino. 2018tik darama Euskal Herrian Leaumak: «Besoak zabalik hartu gintuzten emaztea eta biok».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.