Noiz sortua: 2019-08-18 00:30:00

Leganes 0 Osasuna 1

Osasunak ametsetako itzulera izan du, Leganesen irabazita

<em>Chimy</em> Avila, gola ospatzen.
Chimy Avila, gola ospatzen. R. J. / EFE

Julen Etxeberria -

2019ko abuztuak 18
Leganes. Cuellar; Rosales (Arnaiz, 77. min.), Bustintza (Marc Navarro, 67. min.), Tarin, Siovas, Jonathan Silva; Ruben Perez, Eraso (Recio, 67. min.), Oscar Rodriguez; Braithwaite eta En-Nesyri.

Osasuna. Ruben; Nacho Vidal, Aridane, David Garcia, Estupiñan; Oier, Brasanac (Lillo, 93. min.); Rober Ibañez (Marc Cardona, 70. min.), Torres, Moncayola; eta Chimy Avila (Luis Perea, 82. min.).

Golak. 0-1: Chimy Avilak (75. min.).

Epailea. Alberola Rojas. Txartel horiak: Leganeseko Reciori; eta Osasunako Roberto Torresi, Chimy Avilari, Rober Ibañezi eta Moncayolari. Txartel gorria: Leganeseko Oscar Rodriguezi (92. min.).

Bestelakoak. 10.020 ikusle Butarquen.

Ametseteko denboraldia izan zen aurreko sasoia Osasunarentzat. Iruñeko taldeak era ikusgarrian lortu zuen Espainiako Lehen Mailara itzultzea. Behin maila nagusira iritsita, taldeko kide guztiek behin eta berriro ohartarazi dute sufritu egingo dutela denboraldi honetan, lan nekeza izango dela beste urtebetez onenekin aritzea.

Arrazoi dute, eta ezusterik ezean, Osasunak gogotik sufritu beharko du mailari eutsi nahi badu. Baina iritsiko da sufritzeko unea. Orain, gozatzen jarraitzeko momentua da. Izan ere, Jagoba Arrasatek entrenatutako taldeak jada ekin dio ligari, eta ezin hobeto ekin dio, irabazi egin baitzuen atzo Leganesen (Espainia) etxeko taldearen aurka: 0-1. Oso garaipen garrantzitsua da, estreinako partidan hiru puntuak lortzeak konfiantza handia eman ohi baitu, eta zer esanik ez Osasuna bezalako talde igo berri batentzat.

Ofizio handiz lortutako garaipena izan zen, gainera. Ez zuen partida ona jokatu Jagoba Arrasatek entrenatutako taldeak, baina ezta aurkariak ere. Neurketa ere oso txarra izan zen, beroaren eraginez apenas egon baitzen erritmorik. Halakoetan, jokaldi bakartu batek erabaki ohi du norgehiagoka, eta atzo ere halaxe izan zen. Chimy Avilak 75. minutuan sartutako gol ederrak eman zion garaipena Osasunari. Aurrelari argentinarra da Iruñeko taldeak egindako fitxaketa nagusienetako bat, eta atzo erakutsi zuen klubak bete-betean asmatu duela haren alde apustu eginda.

Gola sartu ostean sufritu egin zuen Osasunak, eta Leganesek gertu izan zuen gola, baina Rubenek salbatu egin zituen gorritxoak. Ametsetako itzulera izan dute.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta gaineratu duenez, ikerketak ez ditu “gizabanakoen mugimenduak atzemango”, baizik eta datu “anonimoak eta multzoka”.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzan eskatzeko. Ohartarazi du oinarrizko zerbitzu batzuetan «kolapso egoeran» daudela. Materiala bermatzeko eskatu dio ELAk EAEko Auzitegi Nagusiari.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Urkulluk esan du «neurri zorrotzak» hartu dituztela; oposizioak, berriz, «gardentasun falta» salatu du

Irati Urdalleta Lete

Iñigo Urkullu lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna