Kataluniako aurrekontuak «eten» ditu Montorok

Cristobal Montoro Espainiako Ogasun ministroak adierazi du Kataluniako gastuen kontrola Espainiako Gobernuaren esku dagoela jada. Montororen esanetan, Generalitatearen kudeaketak «arriskuan» jartzen zuen «errekuperazio ekonomikoa». Hala arrazoituta, Madrilek Kataluniako Gobernuaren kontuak bere esku hartzea erabaki zuen joan den ostiralean, eta atzo sartu zen neurria indarrean: «Kataluniako kontuen egoera mehatxu zuzena da estatuko ogasun publikoarentzat». Bestalde, erreferendumerako dirua bideratzen duten kargudun publikoak «euren ondarearekin» erantzun beharko dutela azaldu du ministroak.

«Funtsezko gastuak» —hezkuntza, osasuna, gizarte zerbitzuak eta funtzionarioen soldatak— dira Ogasun Ministerioak esku hartu dituenak. Baina, Madrilen erabakiarekin, Generalitatak «etentzat» eman du bere finantza autonomia.

PDECat alderdiko bozeramaile Ferran Belek —deklaratzera deitutako 700 alkateetako bat— Kataluniaren deszentralizazioaz hitz egiteko «lotsik» ez zuen galdetu zion, «bermerik gabeko» interbentzioaren ondoren. Montorok neurriarekin eskumenik urratu izana ukatuz erantzun zion.