Albistea entzun

Mendi lasterketa

Oihana Kortazar da Espainiako txapelduna

Euskal selekzioan taldeka irabazi du, emakumezko eta gizonezkoetan; Jaenen jokatu dira txapelketak, eta Jokin Lizeagak lehiari berrekin dio
Maite Maiora, Oihana Kortazar eta Virginia Perez.
Maite Maiora, Oihana Kortazar eta Virginia Perez. BERRIA Tamaina handiagoan ikusi

Unai Ugartemendia -

2021eko maiatzak 4

Mendi lasterketetako euskal selekzioaren asteburua izan da iragan den hau. Jaenen (Espainia) jokatu dira Espainiako txapelketak, eta kolore urdina gailendu da. Emaitzarik aipagarriena Oihana Kortazarren garaipena izan da, baina asteburuak beste izen esanguratsu batzuk ere utzi ditu; besteak beste, Maite Maiora, Asier Larruzea, Aritz Egea, Andrea Garai, Gontzal Murgoitio, Aitor Ugarte eta Jokin Lizeaga —hiru urteren ondoren itzuli da lehiara—. Taldeka ere euskal selekzioa izan da onena lineako txapelketan, bai emakumezkoetan, baita gizonezkoetan ere.

Iñaki Uribe-Etxebarria hautatzailea pozik dago emaitzekin: «Ezin genuen gehiago eskatu! Lehen hamarretan sartu dira bost emakume, eta izugarrizko emaitza da. Gauza bera esan dezaket gizonezkoetan ere, eta Lizeagaren itzulera oso esanguratsua izan da, emozioz betea. Uste dut korrikalarien arteko erreleboa ziurtatuta dagoela selekzioan. Korrikalari beteranoak eta gazteagoak aritzea izugarria izan da».

Larunbatean jarri ziren jokoan Espainiako txapelketak, La Magina Skyrace festan. Hasteko, igoera bertikala izan zuten korrikalariek. 2,9 kilometroko luzeran (+1.000 metro): Manuel Merillas (32.34) eta Virginia Perez (41.15) izan ziren azkarrenak. Euskaldunen artean, lasterketa izugarria egin zuten Asier Larruzeak (33.09) eta Andrea Garaik (42.17). Larruzea bigarren sailkatu zen, eta Garai, berriz, hirugarren. Taldekako bi txapelketak ere euskal selekzioak eskuratu zituen. Eta juniorretan, lan bikaina egin zuten Gontzal Murgoitiok eta Aitor Ugartek, podiumeko bigarren eta hirugarren postuan amaituta.

Igandeko lasterketan ere euskaldunak izan ziren protagonista nagusi. Inoizko mailarik handiena izan du aurtengo saioak, eta azken urteetan munduko hainbat lasterketatan garaipen batzuk lortutako zenbait korrikalari bildu zituen Jaengo lasterketak. Horien artean aipagarrienak Manuel Merillas, Virginia Perez, Zaid Ait Malek, Gemma Arenas, Jan Margarit, eta Oihana Kortazar, Aritz Egea, Maite Maiora, Asier Larruzea eta Jokin Lizeaga euskaldunak. Lizeagak, hiru urteren ostean, berriro ere dortsala jartzeko aukera izan zuen, 28,5 kilometroko luzera eta 2.300 metroko desnibel positiboko lasterketan.

Emakumeen arteko lehia ikusgarria izan zen. Azken urteetako txapelketarik estuena izan zen; eta Oihana Kortazar (3.06.22), protagonista nagusia. Laugarren txapelketa eskuratu du. Halere, ez zuen helmuga igaro arte arnasa lasai hartzeko aukera handiegirik izan, atzetik izan zituen hiru korrikalariak minutu baten barruan helmugaratu baitziren. Maite Maiora bigarren sartu zen (3.06.30), Kortazarren ondoren, eta larunbatean kilometro bertikalean gailendu zen Virginia Perez aragoiarra sailkatu zen hirugarren (3.07.17). Kortazarrez eta Maioraz gain, lehen hamarretan sailkatu ziren Onditz Iturbe (bosgarren) eta Andrea Garai (hamargarren).

Gizonezkoetan, Manuel Merillas gaztelarrak sasoiko dagoela erakutsi zuen larunbateko igoera bertikala irabazita, eta igandean ere hura izan zen azkarrena. Merillas (2.34.19), Margarit (2.36.11) eta Aritz Egea (2.36.33) euskal selekzioko kidea izan zituen atzetik, hurrenez hurren. Euskaldunen artean, Larruzea bosgarren sailkatu zen, eta Lizeaga, berriz,zazpigarren.

Taldekako bietan, garaile

Bakarkako probez gain, taldekako biak ere irabazi zituen euskal selekzioak: gizonena eta emakumeena. Gizonetan, Egeak, Larruzeak, Lizeagak eta Beñat Katarainek lortutako puntuekin irabazi zuten, Kataluniakoen eta Gaztela eta Leonekoen aurretik; emakumeetan, Kortazarrek, Maiorak, Iturbek eta Garaik irabazi zuten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Super Amara Bera Berako kideak, liga irabazi izana ospatzen, atzo, Donostiako Gaska kiroldegian. ©JON URBE / FOKU

Bera Berak zazpigarrenez irabazi du Espainiako Liga

Julen Etxeberria

Bera Berak 30-20 hartu du mendean Elx Donostian, eta zazpigarrenez irabazi du Espainiako Liga. Hogeigarren titulua du, hamabosgarrena azkeneko hamar urteetan

Danel Elezkano, errematatzen, eta hari begira, Jon Ander Peña, Jose Javier Zabaleta eta Jon Ander Albisu, finalerdietako ligaxkako lehen partidan. ©ARITZ LOIOLA / FOKU

Kolpeka josi nahi dute txapela

Julen Etxeberria

Elezkano II.a-Zabaletak eta Peña II.a-Albisuk binakakoaren finala jokatuko dute gaur, Bilbon. Bi bikoteek azpimarratu dute hamarreko lana egin ezean ez dutela irabaziko

Zorrak zor
Alaveseko jokalariak, Joseluk sartutako binakoa ospatzen, atzo, Mendizorrotzan. ©JAIZKI FONTANEDA /FOKU

Gaitzetan txikiena

Eñaut Agirrebengoa

Alavesek sufrituta berdindu du Levanteren aurka, Joseluren gol berantiar bati esker. Jaitsiera postuetatik puntu batera dago oraindik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.