Noiz sortua: 2019-10-27 00:30:00

Realak onenen multzoan egonkortu nahi du, Celtari irabazita

Jon Ander De la Hoz -

2019ko urriak 27

Puntuak hirunaka gehitzen segitzeko xedearekin ekingo dio Realak gaur eguerdian Balaidosen jokatuko duen neurketari. Donostiarrek lau onenen artean egonkortu nahi dute, eta partida irabazteak baino ez dio balio horretarako. Une gozoan daude txuri-urdinak, baina, horren txapelketa berdinduan, garesti ordain daiteke behar baino gehiago barkatzea. Horren jakitun da Imanol Alguacil entrenatzailea, eta mezu argia helarazi zuen partidan aurreko prentsa agerraldian: «Ez gara horren ondo jokatzen ari».

Uste du bere taldeak orain artean bezala segitu behar duela: «Betikoa egin behar dugu; lanean jarraitu, eta apalak izan». Realak hiru puntura du sailkapeneko lehendabiziko postua, baina Imanolek jaramon gutxi egiten dio horri: «Ez da pizgarria niretzat».

Celtak kaskar hasi du aurtengo sasoia. Sailkapenaren atzealdean dago Galiziako taldea, bederatzi punturekin, eta garaipena premiazkoa du egoera iraultzeko. Hargatik, Imanol ez da fio Fran Escribaren taldeaz: «Argi dut partida zaila izango dela, entrenatzaile eta talde ona dutelako. Maila handiko jokalariak ditu, eta kalitate handikoak, eta ez da normala orain artean bost gol bakarrik sartu izana».

CELTA-REALA

Celta. Ruben; Costas, Aidoo, Araujo, Olaza; Brais Mendez, Lobotka, Yokuslu, Denis Suarez; Santi Mina eta Iago Aspas.

Reala. Remiro; Zaldua, Le Normand, Llorente, Monreal; Zubeldia, Merino, Odegaard; Portu, Oiartzabal, eta Willian Jose.

Epailea. Martinez Munuera.

Lekua. Balaidos (29.000 ikusle).

Ordua. 12:00etan (Mov. La Liga).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna