Albistea entzun

Brasilgo Munduko Kopa

Bere belaunaldiaren ugazaba

Maisuki aritu zen Brasilen aurkako finalerdian, bi gol sartu eta beste bat emanda. 24 urterekin, selekzioaren iparrorratza da Toni Kroos, azken hamarkadetako Alemania onenaren gidaria.

Imanol Elezgarai -

2014ko uztailak 13

Munduko Kopan izar distiratsu askok parte hartzen dute, eta ez da erraza horien artean nabarmentzea. Lehiaketa garatu ahala, eta izar batzuek aurrera egiten duten bitartean, beste batzuk itzali egiten dira, beren selekzioak kanporatuak izateaz bat. Alemaniaren izarrak, berriz, bizi-bizi dirau, finalerako txartela lortuta. Selekzioarekin batera, Toni Kroos azaleratu da Munduko Kopa honetan, beste jokalari batzuek duten oihartzunik gabe. Jokalari berezia da, zelai barruan zein kanpoan. Besteak beste, hura da Alemaniako Errepublika Demokratiko ohian jaiotako jokalari bakarra. Bi Alemaniak elkartu zirenetik ez du Munduko Koparik irabazi.

Aurreko Munduko Kopa aulkitik ikusi eta gero, azken urteotako Alemaniako selekziorik indartsuena osatzen duen belaunaldiko kide da. Kroosekin batera, Neuer, Khedira, Oezil eta Mueller Hegoafrikan izan ziren lehen aldiz Munduko Kopa batean, 2010. urtean. Orduan, finalerdietan galdu zuten, Espainiaren aurka. Lau urte geroago, finalean dira Joachim Loewren jokalariak, arantza ateratzeko asmoz.

Hau ez da, dena den, Kroosek distira egin duen lehen nazioarteko torneoa. Oso gazte hasi zen futbolaren munduan bere izena ezagutzera ematen. 16 urterekin fitxatu zuen Bayern Munichek, eta, urtebetera, lehen taldearekin debuta egiteaz bat, 17 urtez azpiko selekzioarekin Munduko Kopa jokatu zuen Hego Korean. Txapelketa hartan, Alemaniak hirugarren postua lortu zuen, eta erdilariak jokalari onenaren saria eta brontzezko bota eskuratu zituen, bost gol sartu ondoren.

Heynckesen ikasle

Futbol profesionalean aukera, baina, Bayer Leverkusenek eman zion. Bi urtez utzita egon zen bertan, Jupp Heynckesen agindupean, eta haren eskutik itzuli zen Bayern Munichera. Leverkusenen emandako maila onak, baina, ez zuen izan eraginik bere nazioarteko ibilbidean. Zaleen harridurarako, 2009an Kroos ez zuten deitu 21 urtez azpiko Munduko Koparako. Bertan, Alemania txapeldun izan zen. Talde horretan zeuden egun Alemaniaren hamaikakoa osatzen duten beste hainbat jokalari: Neuer (28), Boateng (25), Hoewedes (26), Hummels (25), Khedira (27) eta Oezil (25).

2010ean Bayern Munichera itzuli zenetik, taldean garrantzia hartuz joan zen. Hazkunde horrekin kontrastean, Alemaniarekin ez zuen parte hartze nabarmenik izan Hegoafrikako Munduko Kopan. Ordutik, baina, jokalari finkoa da selekzioan. Loewek fede itsua du harengan. Horren adierazgarri, osorik jokatu ditu Munduko Kopako sei partidak. Bayernen, baina, bestelako kontuak ditu. Pep Guardiolak Thiago Alcantara hobetsi du haren aurretik, eta Bayern utz dezake, Real Madrilera joateko.

Alemaniak azken urteetan izan duen bilakaeraren oinarri den belaunaldi gaztearen ugazaba da Toni Kroos. Alemania tradizionalki fisikoan oinarritutako selekzioa da. Belaunaldi horrek, aldiz, futbola sortzeko makina bihurtu du. Eta Kroos da aldaketa horren gako nagusietako bat. Alemaniako zelai erdian Bastian Schweinsteigerren oinordeko izatera deitua dago. Gaitasuna badu horretarako, eta soberan erakusten ari da Munduko Kopa honetan.

24 urterekin beterano bat balitz bezala aritzen da zelaian. Ordenatua da,eta diziplina fisiko-taktiko izugarria du. Gainera, paseak emateko sen berezia du: ez da kasualitatea Munduko Kopa honetako pase emailerik onena izatea: paseen %86,4 hartzailearengana iritsi dira. Osagai horiei guztiei esker, Munduko Kopako jokalari onenaren sarirako kiniela guztietan dago. Gaur argituko da sari hori nork irabaziko duen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©AMAIA LARRUZEA MOTXOBE

«Oraindik, behintzat, ez dut erretiratzeko asmorik»

Unai Ugartemendia

Mendi lasterketetako korrikalaririk maiteenetakoa eta beteranoenetakoa da Euskal Herrian Sarrionandia. Parte hartzen duen proba guztietan oraindik ere espero bezala aritzen da: ondo. Azkenaldian omenaldiz omenaldi dabil. «Eskertuta» hartu ditu.
Asier Nieto, jaurtitzeko prest, joan den ostiralean, Atletico Valladoliden aurkako partidan. ©ARRATE MORALES

Bidasoak Kolstaden aurka jokatuko du gaur

Julen Etxeberria

Bidasoak Kolstad Norvegiako taldearen aurka jokatuko du gaur, Artalekun, Europako Ligako bigarren kanporaketako joanekoan

Helene Alberdi triatoilaria, Distantzia Erdiko Europako Txapelketan, Bilbon. ©@helene_alberdi

«Ikurrina hartu izan banu, ez nintzateke Europako txapelduna izango»

Julen Otaegi Leonet

Helene Alberdi triatloilaria nagusitu zen larunbatean Distantzia Erdiko Europako Txapelketan. Korrika ari zela, ikusle batek ikurrina eskura eman zion; ezin izan zuen hartu.

 

 

 ©MIGUEL ANGEL POLO / EFE

Joan Peñarroya: Energia eta oldarkortasuna

Beñat Mujika Telleria

Joan Peñarroya da Baskonia eraberrituaren gidaria. Azken urteetan emaitza bikainak eskuratuta, lehenengoz arituko da Euroligako talde batean. Ostiralean egingo du debuta ligan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...