Kanaldude telebistak iazko irailean estreinatu zuen Kantuen kontrabandista emankizuna. Gaurtik aurrera, France3 Akitaniako Noa Interneteko kanalean izanen da ikusgai —euskaraz, frantsesezko azpidatziekin—. Saio horretan, Pantxoa Bergara Xabaltx-ek hiriak eta mendiak zeharkatu zituen, Inda zaldiarekin batera. Aspaldiko aire eta hitz batzuez oroitzen diren azken pertsonak atzematea izan zuen helburu. Ondoren, Xabaltxek musikari batzuei ematen zizkien aire eta doinu horiek, eta musikariak arduratzen ziren kantua berriro moldatzeaz eta modernizatzeaz. Zazpi atal ditu emankizunak —azkenekoan kontzertu berezi bat egin zuten bildutako kantekin, Hendaian (Lapurdi)—.
Saioaren ekoizleak akordio batlortu dute ETBrekin, eta ETB1ek irailean emango du.
'Kantuen kontrabandista' France3ko Noa Interneteko kanalean
Iruzkinak
Ez dago iruzkinik
Ordenatu
