Albistea entzun

Alaves 2-1 Vila-real

Amorerik eman gabe

Alavesek irabazi egin dio Vila-reali, eta mailari eustearekin amets egiten du oraindik. Segituan aurreratu da, baina sufritu egin du azkenerako
Escalante eta Laguardia, atzoko bi goletako bat ospatzen. Biak izan ziren golegileak.
Escalante eta Laguardia, atzoko bi goletako bat ospatzen. Biak izan ziren golegileak. JAIZKI FONTANEDA / FOKU Tamaina handiagoan ikusi

Jon Ander De la Hoz -

2022ko maiatzak 1

Golak. 1-0: Laguardiak (4. min.). 2-0: Escalantek (31. min.). 2-1: Chukwuezek (47. min.).

Eutsi, etsi gabe. Alaves kinka larrian dago, baina ez du amore emateko asmorik. Babazorroek zaila dute Lehen Mailari eustea, baina prest daude beren aukerei lotzeko. Agerian utzi zuten hori atzo Vila-realen aurka jokatutako neurketan. Gasteiztarrek mendean hartu zituzten Herrialde Katalanetakoak: 2-1.

Julio Velazquez entrenatzaileak eskaera bat egin zien bere jokalariei, partida jokatu bezperan: «Belarra jateko gogoz aritu zaitezte». Esan eta egin. Garaipen gosez abiatu zen Alaves, hutserako tarte txikia zuela jakinda. Hala, etxekoak laugarren minutuan aurreratu ziren markagailuan. Victor Laguardia kapitainak egin zuen gola, korner jaurtiketa bateko alderatzea baliatuta.

Alavesek bere legea ezarri zuen lehen minutuetan. Geldikako jokaldietan soilik ez, baita zelaian ere. Behin aurrea hartuta, galdu ezinezko aukera zabaldu zitzaion parez pare. Hala, nagusitasunari eutsi zion hurrengo minutuetan, eta berandu baino lehen jaso zuen ordaina. Gonzalo Escalantek bigarren gola sartu zuen 31. minutuan. Argentinarrak gasteiztarren suspertzaile izaten segitzen du.

Ruben Duartek ondu zuen bigarren goleko jokaldia. Ezker hegaletik egindako saialdian, hondoko marraraino ailegatu zen, eta hark emandako pasea probestu zuen Escalantek. Baloi jabetza Vila-realena izanagatik, Alaves aurretik joan zen atsedenaldira.

Bigarren zatian, ordea, majo sufritu zuten etxekoek. Etenetik itzuli orduko aldeak murriztu zituen Vila-realek. Samu Chukwuezek Fernando Pachecoren huts bat probestu zuen aldeak murrizteko. Alaveseko atezaina trakets aritu zen atzo.

Ordutik aurrera, Vila-realek izugarri estutu zuen Alaves, baina etxekoek eutsi zioten emaitzari, eta garaipen bikaina lotu zuten.

Reala eta Osasuna, gaur

Alavesen garaipenak mesede egin dio Realari Europa ligara sailkatzeko lehian. Txuri-urdinek Rayo Vallecanoren zelaian jokatuko dute gaur (18:30). Osasunak, bere aldetik, Elx talderi egingo dio bisita (14:00).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Yves Lampaert. ©BERRIA

Ustekabekoa eman du Lampaertek

Beñat Mujika Telleria

Erlojupekoa irabazteko faborito guztiei hartu die aurre. Van Aert izan da bigarren eta Pogacar hirugarren

Arraun Lagunak eta Orio lehia betean iaz, Zarauzko estropadan, Euskotren ligan. ©JON URBE / FOKU

Kartak ezkutatu ezinda

Aitor Manterola Garate

Bihar hasiko da Euskotren ligaren hamalaugarren aldia, Bilbon, eta, ohi bezala, lau talde ariko dira. Aurtengo berrikuntza Tolosaldea da, Hondarribiaren lekua hartuko baitu debutanteak. Beste hirurak ezagun zaharrak dira: Arraun Lagunak aurreko urteko garailea, Orio bigarren sailkatua eta Donostiarra. Lehen biak dira irabazteko hautagai handiak. Hamalau estropada izango dituzte.
Uriarte eta Valverde. ©M. DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.