MARIJAIAREN ESAMESAK

Konpartsen jai eredua kutsatzen

Ibai Maruri Bilbao -

2019ko abuztuak 24

Gezurrezko argazki batek sortu zuen zer esana, Aste Nagusia hasi berritan, baina egiazkoa ere izan zitekeen. Arriaga plaza ageri zen, bezpera gaueko parrandaren arrasto handiegiarekin: zorua plastikozko botilaz, edalontziz eta poltsaz beteta; erdian, udal garbitzaile bat, dena garbitu ezinik. Areatza ez ezik, jaietako kontzertu nagusiak egiten diren lekuak edo Albia eta Mazarredo inguruak ere halatsu egoten dira goizero. Plastikoaren gehiegizko erabileraren aurkako mundu osoko kanpainek eragin gutxi izan dute oraingoz Bilboko jaietan. Horri aurre egiteko, udalak indartu egin du garbiketa zerbitzua: seiehun behargin dabiltza hiriburua jairik ez dagoenean baino garbiago uzteko ahaleginetan. Eta lortzen dute! Gainera, itsasontzi bik egunero jasotzen dituzte bezperan itsasadarrera botatako hondakinak.

Plastiko pila horrek ez die soilik ingurumenari eta garbitasunari kalte egiten, baita konpartsei ere: supermerkatuetan erositako edaria ez da txosnetan kontsumitzen. Hau da, nabarmen mehartzen zaie San Tomas azokako egitaraua, inauterietakoa eta Aste Nagusikoa antolatzeko duten finantzaketa iturri bakarra.

Konpartsen federazioak baditu mehatxu gehiago; esaterako, aurten gogor salatu dituzte Aste Nagusian udalak egin dituen aldaketa nagusietako bi. Plaza Biribilera eroan ditu gauetako berbenak; han egoten ziren txosnak, berriz, Erripako kaira, ia Areatzako jaigunera bertara, dena bat balitz bezala. Baina txosna horiek ez dira konpartsenak. Hau da, lortutako etekina ez diete bilbotarrei itzultzen egitarau eta jaietako ekintza gisa. Konpartsak hobeto babestu ezean, arriskuan egon liteke haien jai eredua.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

27 kasu berri baieztatu ditu Jaurlaritzak

Amaia Ramirez de Okariz Kortabarria

Tolosan sei kasu atzeman dituzte, Ordiziako agerraldiarekin lotutakoak. Denera, 75 dira foku harekin zerikusia dutenak. Getarian, azken egunetan lau kasu baieztatu ostean, bihar hasiko dira PCR probak egiten.

Jendea maskararekin, Ordizian. ©JON URBE / FOKU

Maskara derrigorrez erabili behar da Europako zenbait herrialdetan

Oihane Puertas Ramirez

COVID-19ari aurre egiteko maskararen erabilera derrigortu dute herrialde batzuek, eta 100 euroko isunak ere jarri dituzte indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna