Noiz sortua: 2019-12-24 00:30:00

Txinak urte hasieratik muga zergak murriztuko dizkie hainbat inportaziori

Herrialdeak hazkundea bultzatu nahi du, prezioak merkatuz. 850etik gora produktuk izango dituzte zerga txikiagoak, tartean txerriki izoztua

Irune Lasa -

2019ko abenduak 24

Elikagaiak, kontsumo gaiak, smartphone-entzako osagaiak... Guztira 859 produktuk muga zerga txikiagoak ordainduko dituzte urte hasieratik Txinako merkatuan sartzeko. 2018ko Txinaren inportazioen datuei begira, neurriak 350.000 milioi euroren ondasunei eragingo die.

Txerriki izoztua da Txinako merkatura merkeago iritsiko den elikagaietako bat. Txerrikia oinarrizko jakia da txinatarren dietan, baina azken hilabeteetan txerri izurri afrikarrak milioika txerri hil ditu herrialdean, eta txerriki eskasia nozitzen ari dira. Oinarrizko elikagai garestiagoek inflazioa handitu dute Asiako herrialdean. Ahuakate izoztuari eta laranja zuku izoztuari ere muga zergak apaldu dizkiete.

Txinako Finantza Ministerioak gaur plazaratu du zerrenda, eta, haren inguruko analisten arabera, erabakiaren xedea herrialdeko ekonomia are gehiago «zabaltzea» da, merkataritza askearen alde egiten jarraitzen dutela erakustea. AEBekin gerra komertzialean dago oraindik Txina, nahiz eta orain bi aste nolabaiteko su-eten bat lortu zuen.

Barne kontsumoa

Barne kontsumoa suspertzeko modu bat ere izan daiteke hainbat inportaziori muga zerga txikitzea. Besteak beste, Donald Trumpen AEBek bultzatutako zigorrak asko igarri ditu Txinako ekonomiak. Hazkunde erritmoa datorren urtean %6ra edo beherago apalduko dela aurreikusten da, eta hazkunde hori pizteko era bat izan daiteke kontsumogaiak merkatzea.

Erdieroaleak, memoria txipak eta smartphone-entzako osagaiak ere badaude zerga txikiagokoen zerrendan. Asmarentzako sendagaiei eta diabetesarentzako botikak egiteko lehengaiei, berriz, hutseko tasa ezarriko diete.

Beste produktuei muga zerga zenbat apalduko zaien ez du argitu Txinako Gobernuak, baina hori bai, zehaztu du haien jatorriak izango duela eragina; izan ere, funtsean, atzo aurkeztutako zerrendaren atzean arrazoi politikoak eta diplomatikoak ere badaude. Munduko Merkataritza Erakundeko herrialde guztietatik inportatutako ondasunek izango dituzte muga zerga txikiagoak, baina abantaila handiagoa izango dute Txinarekin merkataritza libreko itunak dituzten herrialdeetako gaiek. Taiwanekin harreman diplomatikoak aldatu dituzten Erdialdeko Amerikako eta Ozeaniako zenbait herrialde sarituko ditu horrela Txinak

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna