Albistea entzun

Alemaniako hauteskundeak

Austeritatearen ondarea

Ilunak ilun, azken urteak oparoak izan dira Alemaniako ekonomiarentzat. Baina Merkelek oroitzapen gazi-gozoa utziko du EBko hegoaldeko herrialdeetan.

Irune Lasa -

2021eko irailak 26

Koalizio gobernurako negoziazioak zenbat luzatzen diren, oraindik ikusteko dago ez ote duen berak emango urte amaierako telebistako hitzaldia, baina Angela Merkelen agintaldiaren adioa sinbolizatzen dute hauteskundeok. Kantziler gisa egindako hamasei urteek ikuspegi ekonomikotik zer utzi duten, Merkelen ondarea hor nolakoa den laburbiltzea ez da erraza.

Etxean, Merkel etxeko lanik gogorrenak eginda zeudela iritsi zen kantziler aulkira: SPDko Gerhard Schroederren Agenda 2010ak jada ezarriak zituen zerga jaitsierak, lan erreformak eta ongizate murrizketak. Txina erosle nagusien artean, esportazioak ziztu bizian, langabezia behera, krisiak krisi, Alemaniako barne produktu gordina %34 hazi da hamasei urteko tartean.

Urte gozoak izango ziren Alemaniarentzat, baina alemaniar askorentzat egoerak okerrera egin du Merkelen agintaldian. Soldata txikiak dituzte hainbat sektorek, hala nola osasungintzak. Hortik dator, esaterako, Olaf Scholz hautagai sozialdemokrataren proposamen izarretako bat: orduko hamabi euroko gutxieneko soldata.

Desberdintasun sozialak ere hor daude; bost beharginetik batek behin-behineko enpleguak ditu, eta hamahiru milioi alemaniar bizi dira pobrezian, tartean hiru milioi haur.

Oraindik hor dago ere Mendebaldeko eta Ekialdeko Alemaniaren arteko arrakala. Ekialdeko Alemania zenaren BPG per capita mendebaldekoaren hiru laurdena da oraindik.

Europako Batasunean, berriz, eurobonuak sekula ez zituela onartuko esan zuen Angela Merkelek azkenean iritzi aldatu zuen, eta pandemiaren shock-ak behartuta zor bateratua onetsi zuen. Azken krisi honetan austeritatea ez zen irtenbidea; izatekotan, CPVID-19ari aurre egiteko gobernuen ahuleziaren sorburuetako bat izan da austeritatea.

Ondare hori hor utziko du Merkelek. 2008. urtean piztutako finantza krisian aurrena, eta hiru urte geroago euroguneko zorraren krisian ondoren, Batasuneko hegoaldeko herrialdeekin Alemaniak erakutsitako aurpegia. Zehazki bi ziren austeritatearen aurpegi alemaniarrak, Angela Merkelena bat, eta urte haietako Finantza ministro Wolfgang Schaueble-rena bestea; iparraldeko inurri langile aurrezleak lezioa ematen hegoaldeko txitxar festazale xahutzaileei.Alemaniar askoren pentsamoldea zegoen hor atzean, ahazten duena zenbat onura lortzen dituen herrialdeak Europako Batasunetik.

Krisitik krisira, Merkel iritziz aldatuz joan da pixkanaka, erreskateekin aurrena, banku batasunarekin ondoren, garai kritikoan Mario Draghi babesten, eta gero Grezia eurogunean mantentzen Schauebleren iritziaren kontra. Eta, azkenean, zor bateratu bat babestera ere iritsi da. Beste kontu bat da Merkelena adina aldatu den alemaniarren iritzia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Butano banatzaile bat, bezeroen zain kalena. ©JUAN CARLOS CARDENAS / EFE

Bonu sozialaren babesean daudenek 90 euro jasoko dituzte gasa ordaintzeko

Irune Lasa Imanol Magro Eizmendi

Hego Euskal Herriko energia kontsumitzaile zaurgarrienek argindar fakturaren %70erainoko laguntza jaso ahal izango dute negu honetan
Jaurlaritako kideak, gaurko gobernu kontseiluaren ostean. ©David Aguilar (Efe)

Eusko Jaurlaritzak %50 handituko ditu inbertsioak 2022an

Jokin Sagarzazu

Inoiz baino diru gehiago gastatuko du datorren urteko aurrekontuetan: 13.108 milioi euro. «Susperraldi ekonomikoa» bultzatzea izango du xede. Aurtengo eta datorren urterako hazkunde aurreikuspenei eutsi die Azpiazu sailburuak.

Enrique Maia, udaletxean, iragan uztailaren 6an ©Jesus Diges / EFE

Enrique Maiaren ustez, «oso larria» da finantzaketa eredua aldatzea

Joxerra Senar

Iruñeko alkatearen iritziz, Iruñeak hiritartasun gutuna izateagatik jaso ohi duen milioi kopurua galtzea «urratu handi bat».

Gaur Bilbon, Eusko Jaurlaritzaren egoitzan egindako elkarretaratzea. ©Jaizki Fontaneda / Foku

Enplegu publikoak finkatzeko eskatu du ELAk

Irune Lasa

Langile publikoak mobilizazioetan dabiltza gaur Hegoaldeko hiriburuetan. Euskal alderdiei dei egin diete, boto erabakigarria dutelako Madrilen.  

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.