Noiz sortua: 2019-05-11 00:30:00

Udal eta foru hauteskundeak. Hego Euskal Herria. BOZ GORA

Estrategiaren estrategiaz

Enekoitz Telleria Sarriegi -

2019ko maiatzak 11
Zenbateraino baldintzatzen ditu estrategiak hauteskundeetako emaitzak, edo emaitzek estrategiak. Zenbateraino mezuek bozak, edo bozek mezuak. Hausnarketak dira, boz gora eginak. Zenbateraino baldintzatzen dituzte kopuruek norabideak, edo norabideek kopuruak. Zenbateraino zenbakiek zenbatuak, edo zenbatuek zenbakiak. Zenbateraino balio duten bozek alderdien lau urteroko jarduna baldintzatzeko. Zenbateraino haiek dena badakarte garaipen eta porrot neurrietara. Zenbateraino behin agindutakoek ez dutenean balio hurrena, zenbakiek ez badute ematen horretarako.

Badirelako beti arrakastaren aparretan estrategia ez aldatzearen estrategiak, borroka arlo sozialetara(go) biratzearen alde biratze transatlantikoak egin dituzten estrategiak, albokoaren arrimuan norbere garaipen gisa besteak utzitako papurrak jendaurrean ongi aurkeztera bideratutako estrategiak, berritasun fresko gisa sartu eta ze aldetara eta nola egin jakin gabe batera zein bestera egitearen alde egin duten estrategiak, eta beldurraren trapua espantuka astindu beharraren beharraz agortutako estrategiak.

Badirelako estrategiarik onena eta eraginkorrena aldaketarena dela dioten estrategiak, badirelako aldaketarik gabeko aldaketa onena eta eraginkorrena dela dioten estrategiak, eta emaitzen arabera estrategia ez ezik printzipioak ere aldatzeko erreparorik ez duten estrategiak.

Zenbateraino den politika estrategia, edo haren falta, edo haren erreparorik gabeko unean uneko moldaketa.

Eta zenbateraino den estrategia boz gora eskatzea zenbaterainokoen neurria norberak jartzen ez dakienari.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Urkullu lehendakaria. ©Irekia

Lehen kasutik "ahalegin handia" egin zutela esan du Urkulluk

Berria

Urtarrilaren 22tik otsailaren 28ra –lehen kasua agertu zen eguna– "ahalegin handia" egin zutela esan du Urkulluk, "prestatzeko eta koordinatzeko". Bataz bestean %9tik gora handitu da langabezia Hego Euskal Herrian. Nafarroako datua nabarmentzeka da: %9,96 handitu da herrialdean, eta, ondorioz, 3.600 langabe gehiago daude.

Langilerik gabeko obra bat, asteartean, Elgoibarren. ©Jagoba Manterola / Foku

Martxoan, 14.364 langabe gehiago Hegoaldean

Iker Aranburu

Aldi baterako kontratua zutenak izan dira krisiaren lehen kaltetuak.

Balkoietan bandera edo oihal moreak jartzera deitu dute, andreek jakin dezaten nori eskatu laguntza. ©MARISOL RAMIREZ / FOKU

Etxea abaro ez denean

Maite Asensio Lozano

Etxean tratu txarrak jasaten dituzten andreak erasotzaileekin itxita geratu izanak kezka eragin du eragileetan eta instituzioetan. Arrisku egoerak areagotu daitezkeela eta, bizilagunak adi egotera deitu dituzte eragileek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna