Albistea entzun

Tokio 2020. SURIMIA

Nire Tokio

Jakes Goikoetxea -

2021eko abuztuak 8

Autobusaren eta taxiaren leihotik ezagutu dugu Tokio. Edo jatetxeren edo supermerkaturen batera janari bila joandakoan. Gutxi, deus ez esateagatik.

Badia bat. Itsaso bat hirian. Itsaso zainak hiriaren barruan. Zubiak. Altzairua, kableak eta iltze zapalak. Herri bat ematen duen hiri zatia hemen; film edo telesail futurista bateko hiria han. Hirigintza kaotikoa. Etxeorratz distiratsuak. Etxe txikiak ondoan. Hirigintza ezinezkoa. Eraikin karratu bat hemen. Hiruki bat ondoan. Eraikinak indartzeko altzairuzko egiturak, lurrikaren kontra.

Auto ilarak. Bozinarik jotzen ez duten gidariak. Ibilgailu zaharrik ez. GPSak, Tokio amaiezinean ez galtzeko. Autoak elkarren gainean aparkatzen dituzten aparkalekuak. Sirena hotsa gauean.

Oinezkoek eta txirrindulari azkarrek elkarrekin partekatzen dituzten espaloiak. Gatazkarik ez. Txirrindulari asko. Herritarren zabor poltsak kalean pilatuta. Zaborrontzirik ez. Paperik edo txakur kakarik ere ez lurrean. Non daude txakurrak eta katuak?

Beroa. Hezetasuna. Indarrak lehortzen dituen beroa; ideiak melatzen dituen hezetasuna. Aterkiak abuztuan. Aire girotua lagun, aire girotua etsai.

Jatetxeak. Jatetxe asko. Txikiak. Noodle-ak. Arroza. Egun osoan irekita dauden dendak. Seven Eleven. Prestatutako janari asko. Plastikozko janaria. Janaria plastikoan. Plastiko tontorrak eguna bukatzerako. Frutarik ez. Platanoak, asko jota. Arrainik ez. Etxea, zerua, hegaluze lata batean. Kontuz wasabiarekin.

Erreberentziak. Sentipen deserosoa. Japoniera zaparradak ahoetatik. Ingelesik ez. Japoniarra japonieraz, hala ere. Behin hasita, euskalduna euskaraz. Lost in communication.

Ez dugu Tokio ezagutu. Ez ditugu japoniarrak ezagutu. Badaukagu itzultzeko aitzakia.

Arigato gozamaisu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arraun Lagunak eta Orio lehia betean iaz, Zarauzko estropadan, Euskotren ligan. ©JON URBE / FOKU

Kartak ezkutatu ezinda

Aitor Manterola Garate

Bihar hasiko da Euskotren ligaren hamalaugarren aldia, Bilbon, eta, ohi bezala, lau talde ariko dira. Aurtengo berrikuntza Tolosaldea da, Hondarribiaren lekua hartuko baitu debutanteak. Beste hirurak ezagun zaharrak dira: Arraun Lagunak aurreko urteko garailea, Orio bigarren sailkatua eta Donostiarra. Lehen biak dira irabazteko hautagai handiak. Hamalau estropada izango dituzte.
 ©GUILLAUME HORCAJUELO / EFE

Oilarra, guztien begiradapean

Beñat Mujika Telleria

. Gaur hasiko da Frantziako Tourra, Kopenhagen. Azken bi urteetan Tourra irabazi eta gero, Tadej Pocagar da faborito nagusia. Hirugarren aldiz irabaz ez dezan saiatuko dira haren aurkariak
Uriarte eta Valverde. ©M. DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...