Albistea entzun

Gurasoen alienazioaren sindromerik ez dela berretsi dute adituek

Amaitu da Bizkaiko Aldundiko lau langileren aurkako epaiketa. Unai Rementeria ahaldun nagusiak Sergio Murillo akusatua babestu du

Jone Bastida Alzuru -

2021eko ekainak 10

Atzo amaitu zen Bizkaiko Foru Aldundiko lau funtzionarioren aurkako epaiketa. Azken saioan auzitegiko medikuek eta psikiatrek berretsi zuten ez dela existitzen GAS gurasoen alienazioaren sindromea. Hain justu, sindrome faltsu horretan oinarrituta kendu zioten alabaren zaintza Irune Costumerori, duela ia lau urte. Diputazioaren txostenetan GASa jaso zuten teknikariek; alegia, haren haurra manipulatu zuela aitaren aurka.

Inputatuetako bat Sergio Murillo da, egun Gizarte Ekintzako diputatua —jada auzipetuta zegoenean izendatu zuten diputatu, 2019ko foru hauteskundeen ostean—. Unai Rementeria Bizkaiko ahaldun nagusiak hura babestu zuen atzo ere, eta adierazi zuen auzipetuak «euren lana egiteagatik» ari direla epaitzen: «Beste erabaki bat hartu izan balute, espediente horretan ageri ziren txosten tekniko guztiak urratuko lituzkete; beraz, konfiantza dut haren errugabetasunean».

Epaiaren zain

Epaiak ebatziko du ea aldundiko langileek prebarikazioa, tratu txarrak eta lesio psikologikoak eragin dituzten. Akusazioak bost urte eta sei hilabeteko kartzela zigorrak eskatu ditu akusatuentzat, baita enplegu publikorako hamabost urteko inhabilitazioa ere. Fiskalak eta defentsak, berriz, absoluzioa galdegin dute, baita Costumerori kostuak ordainaraztea ere, «ausarkeria eta fede prozesal txarra» leporatuta. Fiskalak herenegun esan zuen «GASa existitzen» dela.

Ama eta haurra banatzen dituzten uneko audioaren grabazioa entzun zuten atzoko saioan, eta, akusatuek eta Ertzaintzak diotenaren kontrara, haurra negarrez eta oihuka entzuten da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Donostiako aldirietako geltokia. ©Gorka Rubio / FOKU

Doako 92.236 abonu eman ditu Renfek Hego Euskal Herrian

Julen Otaegi Leonet

Duela hilabetetik doan bidaiatu ahal da Renferen aldiriko trenetan eta distantzia ertainekoetan. Abonuen %86,75 aldirikoei dagozkie; gainontzekoak, berriz, distantzia ertainekoei.

Sansoheta auziko epaituak, epaiketaren lehen egunean ©Jaizki Fontaneda / FOKU

Fiskaltzak hamalau eta 34 urte bitarteko zigorrak eskatu ditu 'Sansoheta auziko' hamar akusatuetatik seirentzat

Irati Urdalleta Lete

Orotara, hamar gizon eseri dira akusatuen aulkian, baina beste laurek aurreakordioa erdietsita daukate. Adingabeak galbideratzea, sexu abusuak egitea, adin txikikoen aurrean pornografia erakustea eta osasun publikoaren aurkako delituak egitea egozten diete.

Thomas Perlmann Fisiologia edo Medikuntzako Nobel Batzordeko idazkaria Medikuntzako Nobel Saria iragartzen ©Henrik Montgomery

Svante Paabo suediarrak irabazi du Medikuntzako Nobel saria

Berria

«Desagertutako hominidoen genomei eta giza eboluzioari buruzko» aurkikuntzak egiteagatik saritu dute Paabo.

Logroñoko espetxean sartu dute narkotrafikoarekin lotu duten ertzaina. ©Raquel Manzanares / EFE

Etxean 54 kilo kokaina zituen ertzaina espetxean sartu dute

Berria

Polizientzako modulu berezi batean dago, Logroñoko (Espainia) espetxean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...