Bengoetxea VI.a ezustekoa saihesten saiatuko da gaur Hendaian

Jaunarena joko bolada bikainean iritsiko da leitzar aurrelarien arteko manomanistako final-laurdenera

Imanol Magro -

2013ko maiatzak 18

Oinatz Bengoetxeak eta Jon Jaunarenak buruz buruko txapelketako final-laurdenetako bigarren partida jokatuko dute gaur, Hendaiako pilotaleku bizian (Lapurdi, 17:30, Nitro). Leitzarren arteko derbia Lapurdin jokatuko da, eta harmailek itxura bikaina izango dute. Kantxak 20 euroan salduta errazago betetzen dira, are gehiago partidak hainbeste ikusmina sortzen badu. Nabarmentzekoa da Endaiarrak pilota elkartearen 40. urteurreneko ekintzen barruan dagoela jaialdia.

Bengoetxea VI.arentzat txapelketako lehen partida da. 2008an buruz buruko txapeldun izan zenetik ez ditu finalerdiak pasa, eta hor dauka aurtengo helburua berriz ere. Lehen oztopoa, baina, ez da erraza izango, Jon Jaunarena manomanista petoa baita. Iaz 2. Mailako txapeldun izan zen, eta aurten, Asier Olaizola (22-3) eta Jose Javier Zabaleta (22-12) kanporatu ditu asko sufritu gabe. Bi partidetan min handia egin du sakearekin. Halere, gaur aurrekoekin zerikusirik ez duen aurkaria izango du, Bengoetxeak airez gehiago jokatzera behartuko baitu. Irabazleak Irujo eta Beroizen arteko partidako irabazlea izango du aurkari finalean.

Puntistak, batasun eske

IJAPAk, AEBetan jokatzen duten zesta-punta pilotarien elkarteak, bat egin du azken egunetan sare sozialetan zabaldu den zesta-punta profesional txapelketa bateratu eskaerarekin. Puntistek agerraldia egin zuten atzo, «kalitatezko txapelketak» eta horietan edozein puntistak joka dezala eskatzeko. Horretarako, zesta-punta enpresei eta Munduko Pilota Batzarrari zein Nazioarteko Pilota Federazioari modu bateratuan lan egiteko eskatu diete. Era berean, Eusko Jaurlaritzako kirol zuzendaritzari eskatu dio auzian bitartekari lanak egiteko, sustatzaile nagusia den heinean. Iaz, Munduko Pilota Batzarrak Jai-Aliveko pilotariekin bakarrik antolatu zituen txapelketak, eta, horregatik, besteak beste, Diego Beaskoetxeak eta Erik Irastorzak ezin izan zuten jokatu. Duela urte batzuk antzeko egoera izan zen Masterjaikoek bakarrik jokatzen zutenean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna