Osasunak arretari eutsi nahi dio, eta Espanyoli etxetik kanpo irabazi

Kopak liluratuta dauka Osasuna. Ezin da bestela izan, ia bi hamarkadaren ostean heldu baita finalaurrekoetara. Alabaina, hilabete barru jokatuko du Athleticen kontrakojoaneko partida, eta, bitartean, Ligako jarduneanjarri behar du arreta. Hiru puntu eskasera ditu Europako postuak, eta hor goian jarraitzeak izan behar du hilabete honetako erronka. Hasteko, Espanyolen zelaian ariko da gaur (14:00, DAZN), bigarren itzuliko lehen neurketan.

Porrot mingarria jaso zuten azken jardunaldian. Hanpatuta zeuden, Kopan Sevilla kanporatu ondotik, eta gutxienez puntu bat urratzeko moduko lehia osatu zuten Atletico Madrilen aurka, baina defentsan egindako huts bateksaririk gabe utzi zituen. Aurrez, berdindu egin zuten Elxen zelaian, eta, partida hartako lehen zatia eredu gisa harturik, taldea puntuak batzen jarraitzeko prest dagoela esan zuen atzo Jagoba Arrasatek, «zentzumen guztiak» Ligan jarriak dituztela nabarmentzearekin batera. «Liga eguneroko ogia da guretzat, eta, lehen itzuli itzela egin ondoren, bigarren itzulia horren ona edo are hobea izatea nahi dugu.

Arrasateren 192. partida izango da Osasunarekin, eta hala, atzean utziko du Enrique Martin Monreal. Soilik Pedro Mari Zabalza izango du aurretik 340 lehia zuzendu zituen hark gorritxoekin. Bizkaitarrari kontratua berritu nahi diotela iragarri du asteon Braulio Vazquez zuzendariak, eta, horretaz galdetuta, Iruñean «pozarren» dagoela esan zuen atzo teknikariak. «Oraindik beste urte eta erdirako kontratua dut, eta orainaldian dut arreta». Aimar Oroz, Nacho Vidal eta Ruben Peña ez dira jokatzeko prest izango .