Albistea entzun

Qatarko Munduko Kopa. WAQIF ZOKOTIK

Puzzlea

Kristina Berasain Tristan - Kazetaria

2022ko abenduak 8

Bada esaera zahar arabiar bat esaten duena nire etsaiaren etsaia nire laguna dela, baina geopolitika beti da konplexuagoa, eta maizegi erabili izan den atsotitz hau ez da beti hitzez hitz betetzen.

Doharen berezitasunak logika sinple batetik ulertezinak diren aliantzak edo keinuak egitera eraman du. Denak utzi nahi ditu kontent: Washington, Teheran, Israel, Hamas, Anaia Musulmanak, Libiako errebeldeak, milizia xiitak, talibanak...

Puzzlearen pieza guztiak nola edo hala ahokatzea da duen diplomazia berezi horren asmoa. Izan daiteke aldi berean baten adiskide, eta haren aurkari sutsuarena ere. Estatu Batuek, esaterako, eskualdeko lurreratze pistarik luzeena dute herrialdean. Iranekin, berriz, munduko gas hobirik handiena partekatzen du.

Kokapen geografikoak ere nolabaiteko funanbulismoa egitera behartzen du. Saudi Arabia eta Iran erraldoiak dira, geografikoki eta ideologikoki, eta etsai historikoak diren bi herrialdeak eskualdearen lidergoagatik lehiatzen dira behinolatik. Suniten gotorlekua da bata, mugimendu integristen erreferentzia nagusia, eta xiitena bestea, Mendebaldearen aurkako ardatzarena.

Oreka ariketa horretan tirabirarik handienak bizilagunekin ditu. Qatarrek politikoki ere penintsula baten gisa jokatzen du. Saudi Arabiak errezeloz ikusi du emirerria errepublika islamikora gerturatzen, eta tentuz begiratzen dio.

Talka egiten duten bi ereduren ordezkari dira. Qatar Anaia Musulmanen aldera lerratu zen iraultza arabiarretan, eta bizilagunek ez dute islam politikoa begi onez ikusten. Eskualdeko gatazketan ere jarrera kontrajarriak izan dituzte, eta horrek zatiketa gero eta nabarmenago bat eragin du. Arabiarren artean erreferente bihurtu nahi dute biek: arabiar nazionalismo modernoa eta eredu kontrairaultzailea daude aurrez aurre.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

'Txikia IV.a' eta Azurmendi garaipena ospatzen, atzo, Zestoan (Gipuzkoa). ©Jaizki Fontaneda / Foku

Txikia IV.a eta Azurmendi, binakako Sherpa Ai txapelketako garaile

Berria

Iazko garaipena errepikatu du Txikia IV.ak. Eneko Otaño eta Jesus Mari Mujikak amaitu duten bigarren; promozioko mailan Julen Kañamares eta Julen Otaño gailendu dira.

 ©RODRIGO JIM╔NEZ / EFE

Buruz burukoari eutsi nahian

Jon Ander De la Hoz

Realak Real Madrilen aurka jokatuko du, bigarren postua helburu. Athletic Vigon ariko da, eta Osasunak Atletico Madril hartuko du, Europako postuak begiz jota dituztela

Alaveseko Ohale atzo, Vila-realen, baloiarengatik lehian. ©LA LIGA

Bolada txarretan dena maldan gora

Be├▒at Mujika Telleria

Alavesek 1-0 galdu du Vila-realen aurka, eta ligako azken postura erori da. Athleticek gertu izan du berdinketa, baina 2-1 galdu du Madrilen

Xabier Tolosa eta Jokin Altuna, atzo, Bizkaia pilotalekuan, ikusleei txaloak eskertzen. ©ARITZ LOIOLA / FOKU

Tolosak eutsi, eta Altunak erakutsi

Be├▒at Mujika Telleria

22-16 irabazi dute Altunak eta Tolosak Bizkaian, lan handia egindako partida batean. Elordi-Zabaletak bederatzigarrena lortu dute

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...