Las Palmasek eten egin du Osasunaren bolada bikaina: 4-1

2019ko urtarrilak 13

Kanaria Handiko Las Palmasen (Espainia) eten da Osasunaren bolada bikaina. Iruñeko taldeak azken hamabost puntuetatik hamahiru lortuak zituen, baina atzo esku hutsik geratu zen. Esku hutsik, eta astindua jasota, 4-1 galdu baitzuen. Horren ondorioz, nafarrek galdu egin dute zuzenean igotzeko bidea ematen duten postuetara gerturatzeko aukera. Hala ere, igoera kanporaketa jokatzeko postuetan jarraituko dute.

Punturen bat lortzeko aukera txikiena ere ez zuten izan Jagoba Arrasatek entrenatutakoek: ordu erdi bat jokatuta, jada 3-0 ari ziren galtzen. Ez ziren adi zelairatu, eta Las Palmasek oso ondo baliatu zuen aurreneko zatia iritsi aurretik jada partida erabakita uzteko: bi gol sartu zituen Fidel Chavesek, eta beste bat Rafa Mirrek. Bigarren zatian, Fran Meridak gola sartu zuen 53. minutuan, eta itxaropen txiki bat eman, baina Lemosek laugarren gola sartu zuen partidaren azken txanpan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Egin BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut