Etapa ehiztariek beste aukera on bat dute gaur

2018ko uztailak 22

Gaur, Frantziako Tourreko 15. etapa jokatuko da, Millau eta Carcasona arteko 181,5 kilometroko ibilbidearekin. Maila erdiko mendatedun etapa bat da, ihesaldia osatzeko egokia. Hirugarren, bigarren eta lehen mailako mendate bana igo beharko du tropelak. Lehen Mailakoa da eguneko azkena: Pic de Nore (1.205 m.). Hamabi kilometroko igoera da, batez besteko %6,3ko pendizarekin. Tontorra, baina, helmugatik 41 kilometrora dago. Hori bai, hortik Carcasonarako ia ibilbide guztia aldapa behera luze bat da. Urrunegi dirudi sailkapen nagusian eragina izateko, baina jaitsieretan ondo moldatzen diren txirrindulariek mina egin dezakete.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna