Noiz sortua: 2018-04-15 00:30:00

HIZPIDEAK

Herri bat, Altsasuko gazteekin bat

Iñaki Petxarroman -

2018ko apirilak 15

Dozenaka mila lagunek babestu dituzte Altsasuko gazteak, kaleko jantzitako hainbat guardia zibilekin herriko taberna batean izan zuten liskarraren gertakariengatik Auzitegi Nazionalean epaitzen hasi bezperan. Euskal Herriko hiriburuan inoiz egindako manifestaziorik jendetsuenetako bat izan da, eta, kantitatea ez ezik, nabarmentzekoa da babesaren zabaltasun politikoa ere, gobernu, alderdi, sindikatu eta gizarte eragile ugarik bat egin baitute aldarriarekin.

Izan ere, euskal herritarrek badakite bidegabekeria handia egiten ari direla gazteekin. Haietako hiruk 516 egun bete dituzte badaezpadako espetxealdian, eta egozten dizkieten delituen larritasuna edonor ikaratzeko modukoa da. Horregatik, gertatzen ari denaren neurria ematen du ETAko biktima batek, Gorka Landaburu kazetariak, atzo txio batean idatzi zuenak: «Terrorismoa banalizatzea irain bat da haren biktimentzat. Astelehenean hasten da epaiketa bat Altsasun guardia zibil batzuk jo zituzten gazte batzuen aurka. 375 urteko zigorra eskatzen diete. Beste astakeria bat!».

Herri erantzuna izan da Iruñekoa. Euskal herritarrek bai baitakite bihar Auzitegi Nazionalean epaituko dituzten gazteei ez lieketela terrorismoa leporatuko, Altsasukoak izan beharrean, Espainiako edozein herritakoak balira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

Pedro Sanchez Espainiako gobernuburua, erkidegoetako presidenteekin bilera egin ondorengo agerraldian. ©JuanJo Martín / EFE

Sanchezek azken aldiz eskatuko du alarma egoera luzatzeko

Jon O. Urain

Hamabost egunez luzatzeko eskatuko du, EAJrekin eta ERCrekin akordioa eginda aterako da aurrera: «Oso ezberdina izango da, askoz arinagoa, baina beharrezkoa».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna