Albistea entzun

EKOGRAFIAK

Europa, fikzio bat

Miren Manias -

2018ko maiatzak 4

Argitaratu dute Europako Ikus-entzunezko Behatokiaren azken txostena. Alemania da eduki gehien ekoizten duen herrialdea: 2.156 ordu urtean —kopuru osoaren %19—. Hari jarraitzen diete Espainiak, Portugalek, Erresuma Batuak eta Frantziak. Alde nabariarekin, baina: 1.509, 1.136, 1.082 eta 709 ordu, hurrenez hurren. 102 ikus-entzunezko zerbitzu aztertu ditu behatokiak; 52 kanal pribatu, 42 kanal publiko eta bost Interneteko plataforma —CanalPly, Amazon, ViaPlay, C More Play eta Netflix—. Emaitzen arabera, 2015etik 2016ra, 922 ekoizpen eta 16.412 atal sortu dituzte Europako Batasunean. Horien hizkuntzari buruz, txintik ez.

Ekoizleek atal gutxiko edukietara bideratzen dituzte baliabideak nagusiki. Fikziozko produkzioaren %85ek 1-13 arteko atal kopurua daukate. Produktu izarra, aldiz, telefilma da: telebistarentzat eginiko bat edo bi ataleko ekoizpenek osatzen dute kopuru horren %44. Bestalde, ekoitzi diren telesailen erdiak dira iraupen luzekoak, eta gainerakoak promozio berrikoak; zailtasunen isla da hori, ikusleen fideltasuna eta tokiko ikus-entzunezko sektorea egonkortzeko. Espainiak joera hori apurtzen du; izan ere, egindako atal kopuruan oinarrituta, sei ditu lehen hogei telesailen zerrendan: Amar es para Siempre (Antena3), El secreto de Puente Viejo (Antena3), Seis Hermanas (La1), Acacias 38 (La1), Centro Médico (La1) eta La Riera (TV3). Gure Goenkale-k burua altxatuko balu...

Kate publiko eta pribatuen inbertsioei dagokienez, lehenengoek fikziozko produkzioaren %73 bete dute. Goitik hasita, ARD (171 ekoizpen), ZDF (144), France Televisions (83) eta BBC (83) talde publikoak daude, besteak beste. Hala ere, kate pribatuen estrategia da esfortzuak ibilbide luzeko lan gutxi batzuetan biltzea. Ondorioz, kate publikoen gainetik ageri dira, ekoizpen ordu kopurua azpimarratzen baldin bada: %56.

Nola ikusten dira eduki horiek? Beharbada, guztiok jakin gura dugu horren erantzuna. Halere, interesgarria da hemen aipatzea behatokiaren beste txosten batean aurkitutako datua —Interneteko plataformetako telebista edukien jatorria—: «Europako edukiek tokiko katalogoetan aurkitutako atalen %24 islatzen dute; streaming zerbitzuetan, aldiz, %21». Bada, hori: Europa, fikzio bat.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».
Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...