EKOGRAFIAK

Faltsutzea artelana da

Miren Manias -

2018ko apirilak 11

Ez zait hainbesterako iruditu. BBC telebistak dokumental baten irudiak faltsutu dituen berriaz ari naiz. Diotenez, 2011n emandako eszena batzuk dira non Papua Guinea Berriko tribu baten bizimodua irudikatu zuten. Antza, zuhaitzetan etxeak propio eraiki zituzten protagonistek dokumentala grabatu zezan BBCk. Iruzurra. Engainua. Azpikeria. Deitu nahi duzuen bezala. Telebista britainiarrak aitortu egin du: «Irudia ez da benetakoa». Horrek, neurri batean, galdutako sinesgarritasuna bueltatu dakioke kateari. Komunikazio eta harreman publikoen ikuspuntutik, erakunde baten irudia garbitzeko tresna da. Alegia, hanka sartzea onartzea. Horrez gain, bezeroari barkamena eskatzea ere ezinbestekoa da. Espainiako errege familiak mekanismoa erabili zuen orain bost urte; Juan Carlos Borboikoa Botswanan elefanteak ehizatzen izandako erorikoak behartu zuelako kirofanotik pasatzera, gertaera argitara emanez. Irtetean esan zuen: «Asko sentitzen dut, ez da berriro gertatuko».

BBCren azpikeria ez zait hainbesterako iruditu, Cristina Cifuentes Madrilgo Erkidegoko presidenteak eta Javier Maroto Gasteizko alkate ohiak ustez egindakoen aldean —biak PP alderdikoak—. Biek faltsutu dituzte haien ibilbide akademikoak graduondokoa erantsita. Unibertsitatearen adierazpenen kontra, lehenengoak dio eskoletara joan zela, master amaierako lana egin eta epaimahai baten aurrean aurkeztu zuela. Bigarrenak, aldiz, nahiago du esan gaizki-ulertua dela guztia; urtebeteko ikastaroa egin zuela eta batzuek sarritan masterra itzultzen dutela. Ez dut bi horien jarrera zuritu nahi, baina altxa dezala eskua inoiz ezer faltsutu ez duenak. Nire ustean, errealitatea faltsutzearen intentzioan eta emaitzan dago gakoa. BBCk egindako iruzurra ez zait hainbesterako iruditu: onar dezagun behingoz ikus-entzunezkoetan (ere) dena dela gezurra. Ez dagoela ihesbiderik. Ezta dokumentaletan ere. Irudiak soilik dira errealitatearen errepresentazioa. Kameraren aurrealdeko guztiak hartzen du, bat-batean, izaera sasi-naturala. Testuinguru horretan irudiak faltsutzea da artelana, azken emaitzaren mesederako. Jon Garaño zinemagilearen On the line (2008) dokumental faltsua horren adibidea da. Kimuak katalogoaren webgunean duzue ikusgai, eta honela dio: «Generoa, fikzioa».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako agerraldiarekin zerikusia dutenak

Beste 11 positibo zenbatu dituzte Ordiziako agerraldiarekin zerikusia dutenak

Arantxa Iraola

Denera 69 kasu dagozkio positibo multzo horri, eta 31 Tuterakoari.

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna