Albistea entzun

EKOGRAFIAK

Gezurrezko populismoa

Miren Manias -

2018ko ekainak 8

Eskerrak ez ditudan topatu Espainiako ministro berrien gaineko albisteetan 11 emakumezkoen itxurari buruzko komentarioak. Albiste nagusia emakumeen presentzia handia izan da. Nazioarteko prentsaz ari naiz; telebistaz zein idatziz. The New York Times-ek, adibidez, Espainiako Gobernuaren bi herenak emakumeek osatuko dutela zioen. BBC News-eko atari digitalak zekarrenez, gizonezkoak baino gehiago izango dira emakumezko ministroak (%61); «Europako beste inon baino proportzio handiagoa», Suediaren (%54) eta Frantziaren (%50) gainetik. The Guardian-ek ere ikuspegi berari heldu zion: «Espainiako presidenteak 11 emakume eta sei gizon izendatu ditu gobernu berrirako». BBCk honako hau galdetu du Pedro Duque Zientzia, Berrikuntza eta Unibertsitate ministroaz: «Nor da astronauta?». Pedro Sanchezen telebista gizonen inguruan, berriz, aipu gutxi. Maxim Huerta Kultura eta Kirola ministro, eta Miguel Angel Oliver Estatuko Komunikazio idazkari nagusi berriez. Biak ere telebistako aurkezleak.

Politika telebisiboa ez da gauza berria. Donald Trump AEBetako Gobernura iritsi aurretik, zinemako eta telebistako izen ospetsuak ikusiak genituen politikan; Arnold Schwarzenegger aktorea Kaliforniako gobernadore, (2003-2011) edota Ronald Reagan Hollywoodeko bigarren mailako aktorea herrialdeko presidente (1981-1989). Atlantikoaren alde honetan, horrelako kasuak ere gertatu dira. Italiako aktore Gina Lollobrigida Europako Parlamenturako hautagai izan zen 1999an; egun, Toni Canto telebistako aktore espainiarrak kargua du Ciudadanos alderdian. Euskal Herrian, Maddalen Iriarte izan liteke adibide berriena; telebista kazetaritzatik politikara saltoa emanda, Eusko Legebiltzarreko EH Bilduren eleduna da.

Bat nator Cas Mudde The Guardian-eko zutabegileak dioenarekin: «Politikari ospetsuak sistema politikoaren gainbeheraren isla dira». Itxurakeriaren sintoma. Gezurrezko populismoa. Celebrity-ek ez dute zertan politikari onak izan; ezta alderantziz ere, jakina. Dirua, izena eta aitortza giltzarri bilakatu dira joko honetan. Partikularki, profesionaltasunik eta inspiraziorik ez duten buruzagiei dagokienez. Nago esparru afektiboan eragiteko gaitasuna duten bardoek irabaziko dutela, alternatiba hobeak agertu ezean .

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.
 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.
Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...