Albistea entzun

EKOGRAFIAK

Gutxiespena (I)

Jokin Labaien -

2018ko martxoak 20

Datozen sei urteetan ere Vladimir Putin izango da Errusiako presidentea. Igandeko bozetan botoen %76 eskuratu ditu. Larunbateko albistegiei esker jakin nuen espero izatekoa zela halako emaitza. Hala iragartzen zuten, babes handia izango zuela. Kopuruarekin ez ziren askorik erratu; ehuneko batzuk gutxiago iragartzen zituzten.

Duela sei hilabete, hilabete edo astebete inork ea halakorik imajinatuko ote nukeen galdetuko balit, barre txikiarekin erantzungo nioke. Inola ere ez. Nola, lautik hiruk babesa eman halako gizonari, agintariari, gaiztoari eta eroari. Hori baita, talaia honetan, hari buruz sortu dugun irudia. Ikusi dugu armak eskuetan, misil berrien probak defendatzen, arrantzan edo ehizan kamisetarik gabe, aberriaren handitasuna aldarrikatzen... Pertsona gisa, gutxietsi egiten dugula esango nuke, agintari gisa beldurtu egiten gaituen arren. Hari buruz jarduten direnean, ez digute azaltzen, gutxi gorabehera 142 milioi biztanle dituen herrialdean, %67,47ko parte hartzearekin, lautik hiruk zergatik egin duten haren alde. Zer ikusten dioten. Zergatik fidatzen diren hartaz. Badakit lehiakide nagusiari ez diotela aurkezten utzi; badakit nazioarteko behatzaileek irregulartasunak salatu dituztela igandeko zenbaketaren inguruan; badakit hauteskunde kanpaina neurrira prestatu duela eta hedabide gehienak alde zeuzkala; badakit aurka duenak bizitza bera jartzen duela jokoan; badakit, ez naizela Errusiako errealitatea zein izan litekeen imajinatzeko gai.

Duela aste batzuk Matar al mensajero dokumenta ikusi nuen La2 katean, hainbat herrialdetan kazetariek sufritzen duten arriskua azaltzen duena. Leku horietako bat Errusia da, eta arriskurik handiena gobernuaren aurka jarduten direnek pairatzen dute. Donostia 2016 Kultur Hiriburutzaren baitan sortutako Demokrazia isildua dokumentalak ere hori erakusten zuen. Mugarik Gabeko Kazetariak erakundearen arabera, Errusia, prentsa askatasunari zegokionez, 180 herrialdeko zerrendan, 148. postuan zegoela eta, hala ere, biztanleen %11k bakarrik onartzen zuen ez zegoela pozik herrialdean gertatzen zenarekin; Putinen onarpen maila, orduan ere, %82koa zen. Baina horiek ere, milioika pertsona horiek, gutxietsi egiten ditugula iruditzen zait. Hobe genukeela haien zergatiak ulertzen saiatu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Migel Joakin Eleizegiren hezurren arrastoak itzultzeko ekitaldia, atzo. ©

Berriz ere Altzoazpiko hilerrian dira Altzoko Handiaren hezurren arrastoak

Nagore Arin

Bi urtez Aranzadiko instalazioetan egon ondoren, berriz ere Altzoazpiko hilerrira itzuli dituzte Migel Joakin Eleizegi Arteagaren hezurren arrastoak.

Itziar Ituño aktoreak Malen Zubiri politikariarena egiten du <em>Intimidad</em> telesailean. ©DAVID HERRANZ / NETFLIX

'Intimidad', Netflixen gehien ikusi den telesaila, ingelesez bestekoetan

Urtzi Urkizu

Txintxua Filmsen fikzioa 58 herrialdetan sartu da Top10ean. IMDB-ko lehen 50etan kokatu da

Eneko Orozek 'Zer ikusi euskaraz' egitasmoa jarri du martxan
Edorta Agirre. / ©Gorka Rubio, Foku

«Janari pista galduz gero, nahi duena salduko digu sistemak»

Miren Garate, Gipuzkoako Hitza

Janaren inguruan «gero eta desinteres handiagoa» ikusten du Edorta Agirrek, Amantala ta mantela liburuaren egileak. Dioenez, «zelofanez ontziratutako produktuek» hartu dute lehengaien tokia. «Horiek zer duten? Sinetsi egin behar, ez baitugu kriteriorik».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...