Albistea entzun

EKOGRAFIAK

Sunday politics

Miren Manias -

2018ko ekainak 13

Igandeetako politika kontzeptua ezaguna da Erresuma Batuan, igandea egun indartsua baita politika alorrari dagokionez. Egunkarietan zein telebistan, politika albisteen kontsumo pausatua bultzatzen da. Egunkariak, esaterako, astegunetako izena aldatuta argitaratzen dira igandeetan. The Guardian egunkaria The Observer bilakatzen da; Eskoziako The Herald, berriz, Sunday Herald da. Broadsheets izenez ezagutzen dira. Igandeetako aleak egunerokoak baino mardulagoak dira; kazetari ezberdinek egiten dituzte, eta astean gertatutakoen gaineko azalpen landuagoa eskaintzen dute. Jatorriz, broadsheets hitzak egunkarien inprimatze formatu handiago bati (60 cm x 40 cm) egiten dio erreferentzia; egun, konnotazio intelektuala du.

Erresuma Batuko igande goizetako telebista eskaintzan politikak agintzen du. Goizeko bederatzietan hasita, 60 minutuko The Andrew Marr Show eskaintzen du BBC Onek. Sunday papers (igandeko paperak) gainbegiratzen hasten da saioa; astero aldatzen dituzten kazetarien laguntzarekin. Oro har, politikari ospetsuak eta gaurkotasuneko pertsonak elkarrizketatzen dituelako da ezaguna —Gordon Brown herrialdeko lehen ministro ohia eta Nicola Sturgeon Eskoziako lehen ministroa izan ziren azken saioan—; baita Andrew Marr aurkezlea txepel samarra delako ere. Bi milioi ikusle inguru batzen ditu Marren programak, eta %30eko ikusle kuota du. Ondotik, 11:00etan, Sarah Smith kazetariak Sunday Politics saioa aurkezten du kate publiko berean; 75 minutuko programa da, Eskoziako, Galeseko eta Ipar Irlandako berrien 38 minutuko deskonexioak barne. Eztabaida politikoak, elkarrizketa espezializatuak eta aste politikoaren 60 segundoko analisi tarteak, besteak beste. Igande goizetako saioen arrakasta ikusirik, ITV kate pribatua Peston on Sunday emititzen hasi zen 2016ko maiatzean. Konpetentzia handia da, ordea, eta berriki erabaki dute asteazken gaueko albistegiaren ostera pasatzea. Jakina, audientzia datu eskasak dituelako hartu dute erabakia: 170.000 ikusle.

Hego Euskal Herriko telebista eskaintzan apenas dagoen politika saiorik igande goizetan. Justuki, astegunetako lan erritmo bizitik at egon gaitezkeen uneetako batean. Erresuma Batuko telebistetan politikariak harrapatzeko lehia handia da, baina gurean anestesia da nagusi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iruñeko Braulia erraldoia Udaletxe plazan dantzan, 2019ko irudi batean. ©Jagoba Mantero, FOKU

Braulia erraldoiaren dantza, haurren izu

Berria

Herritarrak hunkitu ditu azken egunotan Iruñerrian zabaldutako bideo batek: irudiotan, Iruñeko Braulia erraldoiaren dantza, lau begi gazte balkoian, eta ate danbateko bat, izuaren izuz.

Txikiren ama Antonia Maria Manot, haren semearen hiletan. ©BERRIA

Ez ahanzteko ariketak

Gotzon Hermosilla

Natalia Ginzburg idazleak testu bat argitaratu zuen garai hartako prentsan 1975eko irailaren 27ko fusilamenduen harira. Orain, testu hori euskarara ekarri du Josu Zabaletak; itzultzaileak FRAPeko hiru kondenatuak ezagutu zituen espetxean.

 ©JAGOBA MANTEROLA / FOKU

«Emakume informatikari erreferenteak behar dira»

Unai Etxenausia

II. Gladys saria jasoko du gaur Perez de Viñasprek. Gaztea izan arren, ibilbide oparoa du informatikan. Nabarmendu duenez, gustatzen zaizkion ikerketak egiten aritu nahi du aurrerantzean ere.
Fusilamenduen 40. hurrenarekin batera Vigon herri-harpidetzaz ezarritako iragarkia. ©INFO.NODO50.ORG

Fusilaturik isilgordeena, Garcia Sanz

Miel A. Elustondo

1975eko irailak 27 beti. Frankismo garaiko azkeneko bost fusilatuak. Sanchez Bravo, Garcia Sanz, Baena, Txiki, Otaegi. Haien ondoan militante ez gutxi, heriotzara kondenatuak izanak, zigorra kommutatuak. Askoren artean, Manuel Blanco Chivite. Bizi-bizirik du egun haietako oroitza samina. Ilun beltzaren muturrerainoko bidaia. Azkena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.