Artium museoak eredugarritzat hartzen dituen zortzi ikus-entzunezkorekin zabaldu du Gerardo Armesto, ikuspuntu geldiezina erakusketa. Euskarri analogikotik sorkuntza digitalerako igaroaldian, animaziozko irudiak erabiltzeko moldean bereziak diren bideozko piezak dira Gerardo Armestok (Gasteiz, 1949) 1980ko hamarkadan egindako horiek.
Joan den asteazkenean Armestok berak eta Daniel Castillejok jendaurrean egindako solasaldiarekin abiatu da erakusketa, eta ekainaren 20ra arte iraungo du Arte Garaikidearen Museoko A01 aretoan.
Artistaren marrazkien kaier batekin, maketekin eta eskultura objektuekin osatu dute erakusketa, ikus-entzunezkoak egin ziren garaiaren testuingurua azaltzearren. Artiumek argitalpen bat ere plazaratu du, Armestoren lankidea izandako Francisco Ruiz de Infanteren testu batekin.
Armestoren ikus-entzunezkoetan, berrikuntza teknikoarekin batera, ikuspuntuak eta proiekzio geometrikoak hartzen dute protagonismoa; haien izaera zehatz eta definituak eraikuntza irreal bat agertzen dute, eta, aldi berean, errealitatearen irudi desitxuratua eta konplexua eskaintzen du mugimenduan dagoen ikuspuntu geldiezinak.
Gerardo Armestok bideoz egindako zortzi pieza ikusgai Artium museoan
1981 eta 1990 bitartean egindako obrak dira. Marrazkien kaier batek, maketek eta eskultura objektuek osatzen dute erakusketa
Iruzkinak
Ez dago iruzkinik
Ordenatu