Ikusmira gorago dauka

Maddi Aalla Zuazoko atezainak iragan denboraldian lortu zuen titular postua. Sufritu egin zuten jaitsiera postuetatik aldentzeko. Ordea, nabarmendu du sasoi honetan psikologikoki «indartsuagoak» direla.
Maddi Aalla Zuazoko atezaina, aste honetan Lasesarren egindako entrenamendu baten aurretik.
Maddi Aalla Zuazoko atezaina, aste honetan Lasesarren egindako entrenamendu baten aurretik. MONIKA DEL VALLE / FOKU Tamaina handiagoan ikusi

Ainara Arratibel Gascon -

2019ko irailak 7

Aurreko sasoia «zaila eta trantsiziozkoa» izan zen Zubileta Evolution Zuazorentzat. Hala zioten behin eta berriz jokalariek eta Joseba Rodriguez Jaito entrenatzaileak. Klubak harrobiaren aldeko apustua egin zuen, eta Europan jokatzeko borrokan egotetik maila ez galtzeko lehiara pasatu ziren. Estutasunik gabe lortu zuten helburua, bederatzigarren izan baitziren sailkapenean.

Baina denboraldi honetan «beste aurrerapauso» bat eman nahi du Barakaldoko taldeak. «Pilatutako eskarmentuarekin, klubak egindako apustua egonkortzeko eta gorago begiratzeko sasoia izan daiteke», dio Maddi Aalla atezainak (Plentzia, Bizkaia, 1997). Gaur izango dute hori erakusteko aurreneko aukera, ligari ekingo baitiote. Derbi batekin izango da, gainera: Bera Berak eta Zuazok derbia jokatuko dute Bidebietan (18:00).

Liga hasierari begira, taldea «ondo» ikusten du Aallak. «Denboraldi-aurrean behetik gora egin dugu, eta ondo gaude, lehiatzen hasteko prest. Taldea aurreko sasoiko ia berdina da, eta jokatu ditugun partidek balio izan digute gauzak fintzeko, erritmo hartzeko eta hiru jokalari berriak egokitzen joateko».

Bera Bera «oso talde ona eta irabazten zaila» dela onartu du, baina ezustea emateko gai ikusten dute beren burua. «Sasoi-aurrean haien aurka jokatu genuen, eta azken txanpa arte norgehiagoka ez zen erabaki. Gure onena emenda, haien aurka nor baino nor gehiago lehiatzeko gai gara».

Halako talde baten aurka jokatzeko garai aproposik ez dagoela nabarmendu du, dena den. «Baina egokienetakoa hau izan daiteke, sasoi hasiera. Egokitzen ari dira oraindik, eta hori aprobetxa dezakegu».Horrekin batera, argi du zer egin behar duten garaipena lortzeko. «Ezin ditugu baloi inozoak galdu. Haiek kontraerasoan oso bizkorrak direlako, eta ez dute barkatzen».

Bi talde gutxiago egonda, ligan «berdintasun handia» izango dela aurreikusi du. «Borroka handiagoa izango da, bai goitik, baita behetik ere. Talde guztiek asko estutuko dute, eta inoiz garrantzitsuagoa izango da ez galtzea. Berdinketek ere balio handia izango dute. Garrantzitsua da, sailkapen erdialdean egonkortu, eta Europara sailkatzeko borrokan egoteko. Zaila izango da».

Berdintasun hori aintzat hartuta, «erabakigarria» iruditzen zaio etxean indartsu izatea eta aurreko sasoiko joera aldatzea. Izan ere, lehen itzulian ez zuten lehiarik irabazi etxean. «Lasesarrek gure gotorlekua izan behar du. Aurkariek sentitu behar dute hemen irabaztea ez dela erraza».

Aurreko sasoian «esperientzia falta» ordaindu zutela uste du. «Partida asko galdu genituen gol gutxigatik. Ez genuen asmatzen norgehiagoketako azken minutuak kontrolatzen eta kudeatzen. Baloi asko galtzen genituen, eta erabakiak azkarregi hartzen genituen. Akats horiek konpontzean egongo da gorago egoteko gakoetako. bat». Posible iruditzen zaio hori. «Taldea indartsuagoa da psikologikoki, eta horrek lagunduko digu partidako une erabakigarri horietan lasaiago egoten.».

Atezainaren garrantzia

Aallarentzat denboraldi garrantzitsua izan zen aurrekoa, titular izatea lortu baitzuen. «Baina denboraldi hau are gehiago izango da, titular postu horretan finkatu nahi baitut, eta hori askotan zailagoa da». Atezainen postuan hori lortzea «kostatu» egiten dela onartu du. «Oso erregularrak izan behar dugu, eta psikologikoki indartsuak,Atezain batek behera egiten badu, talde guztian du eragina».

Lehietan intentsitate eta harrera horiei eusteko «funtsezkoa» iruditzen zaio aulkian dagoen atezainarekin etengabeko hartu emana izatea. «Haren babesasentitzea erabakigarria da. Kanpotik jokoko gauza asko ikusten dira, eta horiek esaten dizkizu».

Denboraldi honetan, Zuazok atezain berri bat fitxatu du: Ariadna Gonzalez; Ohorezko Mailatik igo berri da, Salud Tenerifetik. Haren ezaugarrien artean zera nabarmendu du: «Oso bizkorra da». Bikote ona osatuko dutela uste du. «Ni lasaiagoa naiz, eta eskarmentua dut. Oreka emango diogu elkarri».

Beste bi jokalari berriak Maider Barrios hegalekoa eta Madda Fernandez albokoa dira. «Maiderrek jada aurreko sasoian gurekin entrenatzen zuen, eta abiadura asko emango digu. Maddak, berriz, jaurtiketa».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Vladimir Putin, Errusiako presidentea, artxiboko irudi batean. ©ALEXEI DRUZHININ / KREMLIN POOL / EFE

Errusiak COVID-19aren aurkako lehen txertoa erregistratu du

Munia El Marhoum Iruretagoiena

Vladimir Putin Errusiako presidenteak adierazi du «immunitate egonkorra» lortzeko modua ematen duela, baina Osasunaren Mundu Erakundeak arretaz hartu du albistea. Munduko kutsatu kopuruak hogei milioiren langa gainditu du gaur.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna