Arrauna. Euskotren liga

Oriok oso bideratuta dauka Euskotren liga, sasoiko zazpigarren bandera lortuta

'Txiki' ontzia nagusitasunez gailendu da Hondarribian, eta txapeldun izango da gaur Ondarroan Donostiarraren aurretik sailkatuz gero
Orioko arraunlariak, estropada bukatu eta bandera hartu berritan atzo, Hondarribian.
Orioko arraunlariak, estropada bukatu eta bandera hartu berritan atzo, Hondarribian. JAGOBA MANTEROLA/ FOKU Tamaina handiagoan ikusi

Mikel O. Iribar -

2020ko abuztuak 9

Euskotren liga amaitzeko hiru estropada falta direla kontuan hartuta, Oriok lehiaketa bideratuta utzi du, atzo Hondarribian (Gipuzkoa) denboraldiko zazpigarren garaipena erdietsita. Gero eta gertuago dute oriotarrek ligako garaikurra. Gaur Ondarroan (Bizkaia) Donostiarraren aurretik amaitzen badute, matematikoki ligako txapeldunak izango dira.

Oriotarrek jo zituzten lehen paladarik indartsuenak. Zerbaitegatik dira Euskotren ligako liderrak. Bigarren minuturako, Xanti Zabaletaren taldeak ontzi baten aldea ateratzen zien Donostiarrari eta Hondarribiari. Arraun Lagunak-i, berriz, kosta egin zitzaion lehen txanpan arraunketa hartzea, eta bost segundo atzetik zen. Orio laugarren kaletik zihoan, eta ongi baliatu zuen kai muturrak ematen zion babesa, baita aldeak luzatu ere. Nadeth Agirreren gidaritzapean, arraunlariek presarik gabe egin zuten arraun, ubera pasatuz. Ziabogara lehenak iritsi ziren; bost segundo atera zizkioten Donostiarrari, zazpi Arrauni eta zortzi Hondarribiari.

Maniobraren ostean, estropadak bere hartan jarraitu zuen. Agirre patroiak Txiki ontzia estropadaren eremuaren erdialdera zuzendu zuen, olatuak eta haizeak lehenengo kalera jotzen baitzuten. Oriotarrek ongi kudeatu zuten brankaz lortutako aldea. Bien bitartean, Arraunek eta Hondarribiak lehia estua zuten, asko jokatzen ari baitira azken postua saihesteko. Une batez, Ama Guadalupekoa tosta pare bat aurretik jarri zen, baina azkar eman zion buelta Lugañene-k.

Oriori ez zion inolaz ere garaipenak ihes egin. Donostiarrak sei segundo geroago zeharkatu zuen helmuga. Hirugarren postua, berriz, Arraunekoentzat izan zen, garailearengandik 11 segundora. Azken metroetan, donostiarrak izan ziren Hondarribia baino indartsuago, eta segundo baten aldea atera zioten.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen agerraldia, gaur. ©BERRIA

Hezkuntza Sailak «planifikazio integralik» ez duela salatu dute sindikatuek

Gotzon Hermosilla

Ohartarazi dute «transmisio kasuak ugarituko» direla neurriak hartzen ez badira. Greba egunetik astebetera, adierazi dute ez dutela baztertzen beste mobilizaziorik egitea.

PCR proba bat, Gurutzetako ospitalean. ©Luis Jauregialtzo, FOKU

Lehen aldiz, laurehun kasuren langa gainditu du Nafarroak

Uxue Rey Gorraiz

Beste 830 kasu atzeman dituzte Hego Euskal Herrian. Horietatik 425 Nafarroan detektatu dituzte. Positiboek goia jo dute lurralde horretan, eta hildako bat izan da. 496 lagun daude erietxean Hegoaldean: horietatik 81, ZIUetan.

Azkoienen lasaitasuna zen nagusi atzo. ©IÑIGO URIZ / FOKU

Azkoien, ia bakartuta

Joxerra Senar

Bihartik, ezinbesteko arrazoiengatik ez bada, ezingo da herrian sartu edo irten. Edukiera erdira jaitsiko dute, eta tabernak 22:00etan itxiko dituzte

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna