Mendi lasterketak

Euskal Selekzioa, Munduko Kopako 11 probatan

Eusko Jaurlaritzaren laguntza jasoko du nazioarteko mendi lasterketetan lehiatzeko. Igandean jokatuko dute lehena, Japonian
Irati Anda, Iñaki Uribe-Etxebarria, Oihana Azkorbebeitia, Jon Redondo eta Joserra Alonso, atzoko ekitaldian.
Irati Anda, Iñaki Uribe-Etxebarria, Oihana Azkorbebeitia, Jon Redondo eta Joserra Alonso, atzoko ekitaldian. IREKIA Tamaina handiagoan ikusi

Unai Ugartemendia -

2019ko apirilak 16

Euskal Selekzioak igandean hasiko du mendi lasterketetako 2019ko Munduko Kopa. Mt. Awa Skyracen izango da estreinako lasterketa (31 kilometro, +2.000 metro), Japonian. Bost korrikalarik parte hartuko dute: Oihana Azkorbebeitiak, Ander Iñarrak, Julen Martinez de Estibarizek, Maria Zorrozak eta Mayi Mujikak. Eneko Aliende hautatzailea ere haiekin izango da.

Eusko Jaurlaritzak, EMF Euskal Mendizale Federazioak eta Euskal Selekzioak elkarlanerako hitzarmena sinatu zuten atzo, Donostian. Erakundearen laguntzari esker, Euskal Selekzioko korrikalariek Munduko Kopako 11 lasterketatan parte hartu ahal izango dute.

Jon Redondo Eusko Jaurlaritzako Jarduera Fisiko eta Kirol zuzendariak nabarmen zuen Eusko Jaurlaritza lanean ari dela, gero eta federazio eta selekzio gehiagok jaso dezaten nazioarteko onarpen ofiziala. «Euskal Mendizale Federazioa onartuta dago Nazioarteko Mendizale Federazioan, ahotsa dauka, baina ez botoa», jarraitu zuen. «Horri balioa eman behar diogu eta pausoak eman behar ditugu botoa ere izan dezan».

Joserra Alonso EMFko presidentearentzat, hitzarmena «garai zail batean» iritsi da, mendi federazioek gero eta desadostasun gehiago baitituzte Espainiako Kirol Kontseilu Gorenaren artean: «Erakunde horrek kirolaren legeak urratu ditu, eta gatazka bat sortu du atletismo eta mendi federazioen artean».

Irati Anda EMFko zuzendari teknikoaren esanetan, EMFk beste diziplina batzuetako selekzioak ere indartu nahi ditu, bai ultretakoa, bai kilometro bertikaletakoa.

Oihana Azkorbebitia abadiñarra izango da Japoniako proban parte hartuko duen korrikalarietako bat. Irrikaz dago han lehiatzeko: «Niretzako beste kontinente batean korrika egitea erronka berri eta zirraragarri bat da, eta horrela bizitzea espero dut. Ordu aldaketa, klima aldaketa... Faktore berri asko izango ditugu lasterketan eta seguru eragina izango dutela gure errendimenduan».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako agerraldiarekin zerikusia dutenak

Beste 11 positibo zenbatu dituzte Ordiziako agerraldiarekin zerikusia dutenak

Arantxa Iraola

Denera 69 kasu dagozkio positibo multzo horri, eta 31 Tuterakoari.

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna