Albistea entzun

Durangoko 57. Azoka. Musika. DA DA!

Aldatzen ari dena

Itziar Ugarte Irizar -

2022ko abenduak 9

Kazetariak nahi izaten duen titulua da: zerbait aldatu dela, bukatu dela; edo gertatu ez bada, gertatzear dela; badoala bukatuz, mudatuz, sikiera.

Bada zerbait airean, izendatzen zaila bada ere, esaldia mihi puntara, hatz puntetara hurbiltzen diguna. Norabide aldaketa baten zantzuak, transatlantiko baten abiaduran bada ere. Aldaketa handiek hori dute, labain egiten dute momentuan, eta soilik distantziak azaleratzen du zer zen egiaz berregituratzen ari zena.

Musikarien partean da agerikoena Landakon. Diskoen formatu fisikoaren eredua «amaituta edo amaitzear» dagoela zioten Pasadenakoek aurrekoan BERRIAn; eta liburugintza «aldaketa prozesu batean» sumatzen duela aipatu zuen herenegun Elkarreko Antxiñe Mendizabalek. Lanean ere atera da —oraingoz ahapeka—, egunkariak irakurtzen ez dituztenek egiten dituztela gero eta gehiago egunkariak. Mundu bat ez bada joan, joaten ari dela, alegia. Irratian ere entzun nion behin Aritz Galarragari: «Atxagak esaten zuen kasik Neolitikotik aldatu ez zen mundua telebistarekin bukatu zela. Uste dut orain beste buelta bat gehiago gertatzen ari dela, eta pantailekin, konektibitatearekin, une oro zintzilik egote horrekin bukatzen ari dela orain arte ezagutu dugun mundua. Gu telebistaren seme-alabak garen bezala, orain 15 urteko gazte bat beste paradigma batean sartuta dago bete-betean».

Digitalizazioaren lanbroa da Landakora ere aspaldi iragazi zena, eta giharra eskatzen du hor igeri egiteak. Ginsberg parafraseatuz, ikusi ditut nire belaunaldiko bururik argienak sareetako giro saturatuan erdi itota, beraiek egiaz zerekin gozatzen duten ahaztuta; baina ikusi ditut, halaber, pantailetatik nahiko aparte bizi diren zaharragoak ere sareak hauspotzen duen kontsumo azkarrak harrapatuta. Nik nahi nuen euren arreta gaitasuna, baina erloju bat agertu zaie eurei ere buru gainean.

«Bizitzak ez du ematen». Zenbati entzun diozue? Zenbatetan esan? Noiz utzi zion emateari?

Azoka aurreko egunetan hogei diskotik gora aurkeztu dira aste bakarrean, eta ea nork irakur ditzakeen udazkenean aurkeztu diren liburu guztien artetik interesatzen zaizkion guztiak —jakin-mina gosetia da, gainera, eta zain ditu garai eta begirada urrunagoko kontuak ere—.

Ez naiz ni izango, baina, makinak gelditzeko deia egingo duena, nola ba. Izatekotan, zaleak ugaritzeko lanetan jarriko nuke makineria. Eta desaktibatzen ahalik eta denbora gutxienean ahalik eta gehien irensteko premia. Eta, eskatzen hasita, Uxue Apaolazak Euskadi sarien banaketa ekitaldian esandakoa ere lehentasunetarako: denbora librearen banaketa justuago bat —«ez dago literaturarik alferkeriarako denbora duinik gabe»—, besteak beste, ohar gaitezen aldaketa sasoiek biziagotzen duten guztiaz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Rakel Esparza, Juan Mari Aburto, Fernando Perez eta Barbara Epalza, gaur goizean, Bilboko Azkuna Zentroan, urteko programazioa aurkezten. ©AZKUNA ZENTROA

Zortzi erakusketa hartuko ditu aurten Bilboko Azkuna zentroak

Olatz Enzunza Mallona

Erakusketez gainera, beste 200 jarduera baino gehiago programatu dituzte.

Asier Olabarrieta (erdian), Islabaten emanaldi batean, Gasteizen. ©NURIA GONZALEZ / ISLABAT

«Kontsumo ereduak kaleratzen den musika baldintzatzen du»

Iraia Vieira Gil

Islabat izenpean, bere burua onartzeko prozesuan oinarritutako rock diskoa kaleratu du Olabarrietak. «Lasaia» izan da diskoaren bidea; egungo abesti «azkarrak» ez bezala, poliki sortu du musikariak lana.
Maria Elorzaren eta Iñigo Salaberriaren 'Al borde del agua' filmeko irudi bat. ©Ikuspuntu jaialdia

Hamalau herrialdetako hemezortzi film ikusgai Ikuspuntu jaialdiko Sail Ofizialean

Andoni Imaz

Hamar film luzerekin eta zortzi laburrekin osatu dituzte lehiaketako hamar programak. Sei lan lehenengoz erakutsiko dituzte jendaurrean.

Testuaren zama

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.