Albistea entzun

ATHLETIC 2 REALA 0

Batek ahal, besteak ahul

Athleticek irabazi du Realaren aurkako euskal derbia, lehen zatian bi gol egin ostean. Etxekoek aise azpiratu dituzte txuri-urdinak, intentsitate handiz arituta
Athleticek erraz azpiratu zuen Reala. irudian, Iñigo Cordoba jokalaria Igor Zubeldiaren gainetik jauzi egiten.
Athleticek erraz azpiratu zuen Reala. irudian, Iñigo Cordoba jokalaria Igor Zubeldiaren gainetik jauzi egiten. MONIKA DEL VALLE / FOKU Tamaina handiagoan ikusi

Jon Ander De la Hoz -

2019ko abuztuak 31

Golak. 1-0: Williamsek (11. min.). 2-0: Raul Garciak (27. min.). Epailea. Estrada Fernandez. Txartel horiak: Athleticeko Raul Garciari, eta Iñigo Cordobari; eta Realeko Zalduari, eta Porturi. Bestelakoak. 46.697 ikusle San Mames estadioan.

Asmoak ezin hobeto bete zituen Athleticek, eta gidoia okertuta aritu zen Reala atzo San Mamesen jokatutako euskal derbian. Bi taldeak garaipenaren bila atera baziren ere, neurketa hasi orduko etxekoen aldera egin zuen balantzak, eta halaxe geratu zen partidak iraun zuen bitartean. Ahala erakutsi zuten zuri-gorriek; ahulduta aritu ziren txuri-urdinak.

Intentsitate handiarekin zelairatu ziren Athleticekoak, eta berehala hartu zuten partidaren gidaritza. Estutu egin zituzten Realekoak; kokatu ezinik egon ziren Imanol Alguacilen jokalariak lehen zati osoan, eta bilbotarren presioak ito egin zituen.

Neurketa zakarra izan zen hasieratik. Bi taldeetako jokalariak sarri egon ziren lurrean, jasotako kolpeengatik. Egoera horretara hobeto moldatu zen Athletic. Presio itzela egin zien donostiarrei, eta izugarri zaildu zien baloia atzeko lerrotik ateratzea.

Halako jokaldi batean iritsi zen Gaizka Garitanoren taldearen estreinako gola. Realak kanpora botatako baloi baten ostean albotik atera zuten zuri-gorriek, eta Ander Capari iritsi zitzaion baloia. Eskuin hegaletik sartu zen Portugaletekoa, eta haren erdiraketa Iñaki Williamsi iritsi zitzaion. Ez zuen barkatu aurrelariak, eta partidako lehen gola sartu zuen. 11. minutua zen.

Gozo ari zen Athletic, eta non zegoen ere ez zekien Realak. Erabat galduta zegoen zelaian, etxekoen presioak erasanda. Aurrera urrats bat egin nahian aritu zen, baina alferrik. Behin bakarrik gerturatu zen zuri-gorrien areara lehen zatian, eta 20. minutuan izan zen. Joseba Zaldua lurrera bota zuten, eta epaileak penaltia adierazi zuen. Bazirudien arnasa har zezakeela Realak, baina erabaki horretan atzera egin eta falta zela ondorioztatu zuten epaileek, jokaldia berrikusi ostean.

Aukera hura ere galduta, are handiagoa izan zen kolpea donostiarrentzat, eta hazi egin zen Athletic. Gose ikaragarria erakutsi zuen Bilboko taldeak, eta handik minutu gutxira handitu egin zuen bere abantaila. 27. minutuan, Raul Garciak area kanpotik gol bikaina sartu zuen, ezkerrez. Miguel Angel Moyak ukitu zuen baloia, baina alferrik.

Malda gogorra bazuen Realak, are gehiago gogortu zitzaion segidan. Asier Illarramendik min hartu zuen, eta utzi egin behar izan zuen zelaia. Handik eta atsedenaldira artean lehengo lepotik segi zuen neurketak, eta Athleticek aldea handitzeko aukera izan zuen.

Bigarren zatian itxura hobea eman zuen Realak, eta etxekoen arearen inguruan gehiago agertzen hasi ziren jokalari txuri-urdinak. Alabaina, Athleticek ondo lotua zuen aurkaria, eta ez zirudien donostiarrak egoera iraultzeko moduan izango zirenik.

Alabaina, hurrengo minutuetan erasora egin zuten bisitariek, eta lortu zuten baloi bat sareetan sartzea. Ez zen markagailura igo, ordea. Alexander Isakek bere lehen gola sartu zuen txuri-urdinekin, baina jokoz kanpo zegoen, eta baliorik gabe utzi zuen epaileak. Kolpeak etenik gabe jasotzen ari zen Reala, eta minutuak aurrera egiten ari ziren heinean geroz eta aukera gutxiago zituen baleko emaitzaren bat eskuratzeko.

Bien bitartean, eroso zegoen Athletic, eta patxadaz aritu zen azken minutuetan. Hamasei neurketa daramatza etxean galdu gabe, eta berezia izan zen atzoko garaipena. Derbia zelako, batetik, eta sailkapenaren puntan kokatu delako, bestetik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Mendian arriskua kudea dezakezu, baina ezin duzu desagerrarazi»

Jon Artano Izeta

Mendi gidaria da, eta gidarigaien irakaslea. 30 urte daramatza Huarazen, Peruko Mendikate Zurian, eta ezagun du. 'Pucha', 'cachuelo', 'chibolo'... Ande-kontrako gaztelaniaren hitzak darabiltza, eta hango airea ere badu haren jardunak: 'empesar', ahoskatzen du, 'haser'... «Euskalperutarra» dela dio; herrialdeko mendigoizalerik onena dela esan izan dute hangoek.
Gai dela berretsi du

Gai dela berretsi du

Jon Ander De la Hoz

Julen Alberdi 'Txikia IV.a'-k estreinakoz irabazi du Urrezko Kopa, Iker Vicenteri eta Mikel Larrañagari aurrea hartuta: «Lan exijentea izan zen».

Nacho Monreal jokalaria, 2021eko irudi batean. ©Javier Etxezarreta, EFE

Nacho Monrealek futbola utziko du

Uxue Rey Gorraiz

«Garai bat bukatu da. Beste bat hasi. Zoriontsu naiz», azaldu du futbolari nafarrak sare sozialetan zabaldutako mezu batean. Hamasei urte egin ditu futbol profesionalean; Osasunan eta Realean horietako hainbat.

 ©NADETH AGIRRE

«Gure arraun egiteko erari eustea izan da arrakastaren gakoa»

Julen Etxeberria

Oriok hirugarrenez irabazi du Euskotren liga, baita Nadeth Agirrek ere. Baina gehiago nahi dute. «Zarautzen irabazi nahi dugu, lana biribiltzeko. Gero, Kontxan nagusitu nahi dugu».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...