Albistea entzun

BARTZELONA 1 - 0  REALA

Duintasunarekin soilik, jai

Reala Espainiako Kopatik kanpo geratu da, Bartzelonaren estadioan galduta. Txuri-urdinek jokalari bat gutxiagorekin jokatu dute partidako zatirik handiena; amaieran estutu arren, ez da nahiko izan
Realeko Kubo baloia kontrolatu nahirik, Bartzelonako Balde inguruan duela.
Realeko Kubo baloia kontrolatu nahirik, Bartzelonako Balde inguruan duela. ALEJANDRO GARCIA / EFE Tamaina handiagoan ikusi

Jon Ander De la Hoz -

2023ko urtarrilak 26

1-0. Dembelek (52. min.).

Realak galdu egin zuen aspaldiko partez. Modurik duinenean egin zuen arren, Espainiako Kopatik kanpo geratu ziren txuri-urdinak. Jokalari bat gutxiagorekin aritu ziren donostiarrak partidaren zatirik handienean, baina estu hartu zuten Bartzelona azken unera arte. Ez neurketaren zatirik handienean; bai, ordea, azken minutuetan. Beren gaitasunean sinesteko ariketa egin zuten, baina ez zen nahikoa izan. Partidako gol bakarra nahikoa izan zen Bartzelonarentzat.

Realak nor baino nor gehiago egin nahi izan zuen Camp Noun, eta hori garesti ordaintzen da sarri. Buruz buruko lehia proposatzeak halako lehia ekartzen du: kolpeak eta joan etorriak bi aldeetakoak izan ohi dira. Agerian geratu zen hori kataluniarren zelaian. Bi hamaikako zelaian izan ziren bitartean, aurpegiz aurpegi aritu ziren bi taldeak. Fisikoa izan zen nagusitasuna bilatzeko borroka, zartakoek gehiago balio izan baitzuten ate aurreko jokaldiek baino.

Bi aldeetan gertatu ziren halakoak, baina Brais Mendezen kaleratzea izan zen lehen zatiko jokaldirik esanguratsuena. Jokalari galiziarrari txartel gorria atera zion epaileak, 40. minutuan, eta horrek erabat baldintzatu zezakeen partida. Izan ere, gutxienez 50 minutu falta ziren norgehiagokako arauzko denbora osatzeko, eta Camp Noun lasta handia zen hori. Hori bai, Gil Manzanok zalantza gutxi egin zuen Realeko jokalariaren falta ikustean. Nahikoa izan zuen VARari begiratu bizkor bat egitea txartel gorria erakusteko. Brais Mendezek orkatila zapaldu zion Busquetsi. Kalera.

Ordutik aurrera, Realak eusten igaro zuen atsedenaldira arteko denbora. Ez alferrik, Imanolek taldea egokitu beharra baitzuen. Etxekoak nagusi izan ziren lehen zatian, baina Realak, Take Kuboren bitartez, izan zuen aukerarik. Bigarren zatia, ordea, enigma bat zen. Realarentzat nahi baino lehen argitu zen korapilo bat.

Bartzelonak 52. minutuan egin zuen partidako gol bakarra. Ousmane Dembele izan zen neurketako golegilea, bisitarien kopuru murritzagoa probestuta. Koundek abiadan eman zion pasea Dembeleri, eta erasoko jokalariak ez zuen aukera galtzen utzi. Erasotik aurrera egin zuen lehendabizi, eta erdiraketa egitea baino hobea iruditu zitzaion zuzenean Alex Remiroren atera jotzea. Lehen zutoinari itsatsita egindako errematea sarera joan zen zuzenean.

Bartzelonak hala lortu zuen aurrera egitea. Abantaila eskuratuta eta jokalari gehiagorekin, partida erosoa aurreikusi zuen. Ordea, Realak ez zuen amore emateko asmorik. Defentsa hertsia eta aurrerako erasoaldi bakanak probestu nahian, atzeko lerroan igaro zituen amaierara arteko minuturik gehienak, baina saiatu zen abagune batzuk baliatzen. Hain justu ere, Alexander Sorlothek eta Carlos Fernandezek aukera bana izan zuten markagailua orekatzeko, baina errazena zaildu zuten. Azkenerako, Reala kopatik kanpora geratu zen, baina duintasunaren lezioa ikasita: bi txapelketa ditu hura probesteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©RODRIGO JIM╔NEZ / EFE

Buruz burukoari eutsi nahian

Jon Ander De la Hoz

Realak Real Madrilen aurka jokatuko du, bigarren postua helburu. Athletic Vigon ariko da, eta Osasunak Atletico Madril hartuko du, Europako postuak begiz jota dituztela
Alaveseko Ohale atzo, Vila-realen, baloiarengatik lehian. ©LA LIGA

Bolada txarretan dena maldan gora

Be├▒at Mujika Telleria

Alavesek 1-0 galdu du Vila-realen aurka, eta ligako azken postura erori da. Athleticek gertu izan du berdinketa, baina 2-1 galdu du Madrilen
Xabier Tolosa eta Jokin Altuna, atzo, Bizkaia pilotalekuan, ikusleei txaloak eskertzen. ©ARITZ LOIOLA / FOKU

Tolosak eutsi, eta Altunak erakutsi

Be├▒at Mujika Telleria

22-16 irabazi dute Altunak eta Tolosak Bizkaian, lan handia egindako partida batean. Elordi-Zabaletak bederatzigarrena lortu dute
 ©ARITZ LOIOLA / FOKU

┬źBaloiak falta zaizkigu, eta egunero pista osoan entrenatzea┬╗

Julen Etxeberria

Urtetik urtera, handituz doa Zuazok jokalariekin eta entrenatzaileekin duen zorra. Haitok eta Velascok argi dute «kito» esan behar zutela: «Normaltzat jo dugu prekaritatea, eta ezin da onartu».

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.