Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Monako 2-1 Reala

Azken egunean erabakiko da

Realak galdu egin du Monakon, eta Europa ligan segitzea zaildu zaio. Hamazazpi partida eta gero, punturik bildu gabe geratu da. Txapelketan segitzeko, nahitaez irabazi behar dio PSVri, Anoetan
David Silva Realekoa, Monakoko jokalari bat atzean utzi nahian.
David Silva Realekoa, Monakoko jokalari bat atzean utzi nahian. REALA. Tamaina handiagoan ikusi

Jon Ander De la Hoz -

2021eko azaroak 26

1-0. Vollandek (27. min.) 1-1. Isakek (35 min.) 2-1. Fofanak (38. min.).

Realak kale egin zuen Monakon. Dena oker atera zitzaion atzoko jardunaldian. Galdu egin zuen bere partida, eta PSV Eindhovenek irabazi egin zuen Sturm Grazen aurka. Europa ligan segitzekotan, derrigor irabazi behar du azken jardunaldian. Aukera ona galdu zuen Louis II.a estadioan. Hiru puntu nahi eta alerik ez zuen bildu.

Lehen zatian okertu zen neurketa. Atsedenaldiko emaitza eta amaierakoa berbera izan zen. Hasiera orekatu baten ostean, Realak izan zuen lehen aukera, baina Adnan Januzajen jaurtiketa espejismo bat izan zen.

Belgikarraren jaurtiketa indartsuak ez zuen aterako biderik hartu. Bai, ordea, Monakorenak. Minutu bat geroago lehendabiziko gola egin zuen Printzerriko taldeak. Zelai erdian baloiaz jabetu, eta hiruzpalau pase nahikoa izan zituzten Matthew Ryanen atera gerturatzeko. Atezain australiarrak jokatu zuen atzo, eta deus gutxi egin ahal izan zuen.

Hala, 27. minuturako Realak maldan gora zuen neurketa. Kevin Vollandek egin zuen gola. Hala ere, txuri-urdinek berehala egin zuten suspertzera, eta neurketa orekatzea lortu zuten. Januzajek bizitu zuen bisitarien jokoa. Belgikarra izan zen donostiarren jokalari onena lehen zatian. Une onean dago, alai, eta nabari zaio.

Lerro arteko pase dotorea eman zion Alexander Isaki, eta aurrelari suediarrak ohiko erraztasunaz sareratu zuen baloia. 35. minutua zen.

Pozak gutxi iraun zien Louis II.a estadiora bildu ziren 1.000tik gora realzaleei. Hiru minutu geroago, Wesley Fofanak 2-1ekoa egin zuen. Erdiraketa baten ostean area txikian jaso zuen baloia, eta buruz errematatuz sareratu zuen. Realak erraztasun asko eman zituen defentsan, eta garesti ordaindu zuen hori.

Bigarren zatian irauli baten beharrean ziren Imanol Alguacilen jokalariak, eta teknikari oriotarrak bi aldaketa egin zituen. Andoni Gorosabel eta Ander Barrenetxea sartu zituen. Hark, hasieran, indartu egin zuen Realaren erasoko jokoa. Atera begira jarri zituen txuri-urdinak, baina asmatu ezinda aritu ziren.

Gola behar zuen Realak, eta jokoaren zama bere bizkar hartu zuen. Halere, Isaken erremate bat salbu, deus gutxi egin zuten Monako estutzeko. Etxekoek atzean sartuta igaro zituzten azken minutuak, baina jokoak moteltzera egin zuen.

Orduan amaitu ziren Realaren esperantzak. Hamazazpi partidaren ostean, galdu egin zuen Realak. Europa ligan segitzeko, PSVri irabazi behar dio Anoetan, abenduaren 9an. Erdibideko aukerarik ez du izango.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©RAUL BOGAJO / FOKU

«Betidanik lehenetsi dut Euskal Herrian jokatzea»

Iñaki Berastegi

Brust sasoia amaitu arte ariko da Eibarren, eta uste du «talde bezala» gehiago jokatuz gero badutela aukerarik oraindik ligan. Sant Cugaten zelaian ariko dira gaur (12.00).
2018ko Masters torneoko finaleko partida, Nafarroa Arenako pilotalekua jendez lepo beteta dela, Iruñean. ©IÑIGO URIZ / FOKU

2022ko buruz buruko finala Nafarroa Arenan jokatuko da

Mikel O. Iribar

Maiatzaren 29an izango da partida, 3.000 eserlekuko pilotalekuan. Masters torneoko bi finalerdiak eta finala ere bertan jokatuko dira

Victor Laguardia Alaveseko kapitaina, Sevillaren aurka sartutako gola ospatzen, Sanchez Pizjuanen. ©JOSE MANUEL VIDAL / EFE

Denbora kontua izan da

Eñaut Agirrebengoa

Itxaroten jakin duelako arnasberritu da Alaves, Javi Cabello teknikari laguntzaile ohiaren aburuz. Arabarrek Celta hartuko dute gaur (14:00).

 ©Iñaki Etxeleku - Iparraldeko Hitza

«Goi mailako mutiko taldea bagina, bilatuko zituzten aterabideak»

Iñaki Etxeleku - Iparraldeko Hitza

Baionako ASBko Elite 1 mailako emazte taldeak greba egin zuen duela hiru aste, baliabide falta eta osasunerako arriskua salatzeko. Lespiellek ez du galdu Lapurdin eliteko talde baten ukaiteko itxaropena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Jon Ander De la Hoz

Informazio osagarria

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.