Brooklyndik datoz, New Yorkeko bihotzetik, baina berdin-berdin etor zitezkeen New Delhitik. Izan ere, Red Baraat talde jendetsuak proposatzen duenak iturri ugaritatik edaten du, hala bhangratik eta Indiako beste musika batzuetatik nola hip hopetik eta funketik. Betiere, musika alaia eta jaizalea egiteko, eta baita herrien arteko elkartasuna sustatzeko ere.
Chaal Baby (2010) diskoarekin estreinatu ziren, eta gero etorri dira Bootleg Bhangra zuzenekoa (2011), Shruggy Ji (2013), Big Talk (2013) eta Bhangra Pirates (2017). Hurrengo hilabetean kaleratuko dute, berriz, taldearen lan berria, Sound the People. Taldekideek adierazi dutenez, Asia hegoaldeko herrialdeetako diasporak mundu osoan egin duen bidearen ospakizun bat da diskoa, eta taldearengan eragin duten musiken bilduma gisa ere uler liteke.
Musika. RED BARAAT
Elkartasun alai eta jaizalea
Astelehena: Dabadaban, Donostian, 21:00etan Osteguna: Kafe Antzokian, Bilbon, 22:00etan.
Iruzkinak
Ez dago iruzkinik
Ordenatu