Parisko deserritik Euskal Herrira

Bi kontzertu emanda —Eibarren eta Iruñean aritu dira, ostiralez eta larunbatez, hurrenez hurren—, beste bi emanaldi geratzen zaizkie Elliott Murphyri eta Olivier Durandi Euskal Herrian. Aurrenekoa, gaur, Bilbon; bigarrena, hilaren 26an, Andoainen (Gipuzkoa).

Dozenaka aldiz egon da Murphy Euskal Herrian, baina haren kontzertuek ez dute interesa galtzen, eta, Olivier Durand gitarrista frantziarrarekin ari denetik, sasoi betean azaltzen da oholtza gainean. Parisko «deserrian» denetik, hura du laguntzaile nagusi, eta harekin eta musikari frantziarrekin grabatu du bere azkeneko diskoa: Prodigal Son. Hain zuzen ere, haren seme Gaspard Murphyk ekoitzi du lana.

Bilbon eta Andoainen bikote gisa ariko dira Murphy eta Durand.