Musika. DAMON & NAOMI
Popa, folka eta giro ameslariak
Noiz: Otsailaren 8an, 20:15ean. Non: Bilboko Kafe Antzokiko goiko aretoan.
Bostonen (AEB) sortu zen Damon & Naomi musika bikotea, 1992 inguruan. Ez zen ezerezetik sortu, Galaxie 500 kultuzko taldeko kideetako bi baitziren Naomi Yang (baxua) eta Damon Krukowski (bateria). Dean Wareham kantari eta gitarra jotzailea zen hirugarren kidea. Bikote modura hasi eta popa, folka, psikodelia eta giro ameslariak uztartu izan dituzte geroztik. Orotara, bederatzi disko grabatu ditu bikoteak, eta 2015koa da horietako azkena: Fortune. Harreman berezia izan dute urteotan guztietan Japoniako Ghost taldearekin; izan ere, elkarrekin landu zituztenPlayback Singers (1998), Damon & Naomi with Ghost (2000) eta Song to the Siren (2002) diskoak. Damonek poeta eta idazle gisa ere osatu du ibilbidea, eta Naomik argazkilari eta sortzaile plastiko modura. Osteguneko kontzertuan, Thalia Zedek izango dute laguntzaile.
Iruzkinak
Ez dago iruzkinik
Ordenatu