Musika. CERAMIC DOG
Marc Riboten beste proiektu esperimental bat
Non: Viktoria Eugeniako Club aretoan. Noiz: Bihar, 20:00etan.
Jazzaren Nazioarteko Eguna da bihar, eta, horren harira, Ceramic Dog taldeak —Marc Riboten (New Jersey, AEB, 1953) azken proiektuetako batek—, beteko du soinuz Viktoria Eugeniako Club aretoa. Talde horretan, Ribot gitarraz eta ahotsaz arduratzen da. Ez alferrik, munduko gitarrista onenetakotzat joa da, free jazzaren maisu. Ceramic Dogen, Shahzad Ismaily (baxua eta elektronika) eta Ches Smith (bateria eta elektronika) ditu lagun. Free, punk, musika esperimentala, psikodelia eta postelektronikoa nahasten ditu hirukoteak, Riboten ibilbidean ohikoak bihurtu diren soinu collageetako bat eskaintzeko. Collage horretan, inprobisazioak, rock undergroundaren espirituak eta esperimentazio elektronikoak bat egiten dute.
Iruzkinak
Ez dago iruzkinik
Ordenatu