MARIJAIAREN ESAMESAK

Glovo, ekarri txosnetatik trago bat

Lander Muñagorri Garmendia -

2019ko abuztuak 20

Dirudienez, Arriaga plazan lurrean eserita eta lagunekin edanean zeuden batzuek egindako eskaera izan zen. Jateko zerbait nahi, eta sakelako telefonoko aplikazioa zabalduko zuten —Glovo edo Uber Eats, berdin du—; jatetxea eta janaria aukeratu, eta egindako hautua haraino eraman ziezaieten eskatuko zuten. Arriaga plazara, Aste Nagusiko jaigunearen erdira. Langileak —edo, hobeto esanda, autonomo faltsuak— eskaera hori jasoko zuen, eta gazte horiek zeuden lekuraino joango zen bere bizikletarekin, jatekoa eramatera. Zerbitzari bat balitz bezala. Eragin gazte prekarioen plataformak Twitter bidez asteburuan zabaldu zuen argazkian hori ikus zitekeen, bederen: bi banatzaile Arriaga plazan, edanean eta eserita zeuden gazteei euren eskaera eramaten. Zeresan handia eman du irudiak sare sozial horretan.

Glovo eta Uber Eatsen gisako aplikazioen bidez nahi denean nahi dena lortu ahal dela pentsatzera iritsi baitira bertako erabiltzaile asko. Baina badago benetan eskaera horiek egiteko beharra? Alegia, txosna bakoitzak janari eskaintza zabala duenean, beharrik ba al dago banatzaile batek eskaera bat eramateko jaigune erdira? Asko eskatzea al da Arriaga plazatik altxatu, eta txosna batera joatea jatekoa eskatzera? Are gehiago, banatzaile horien lan baldintza kaskarrak zein diren kontuan hartuta, merezi al du era horretako eskaerarik egitea? Lurrean edanean dauden pertsona horiek egingo duten hurrengo eskaera zein izango da, txosnetatik edatekoa dauden lekuraino eramatea? Morroiak nahi dituzte parranda egiten ari direnean? Irudi horrek zeresana ematen jarraituko du, ziur.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Ordiziako herritar batzuk maskarak jantzita, atzo. ©JAVIER ETXEZARRETA / EFE

Agerraldiak ugaritu egin dira

Irati Urdalleta Lete, Iosu Alberdi Igor Susaeta

Beste bi foku agertu dira Nafarroan: Tuterakoan 23 pertsonak eman dute positibo, eta Iruñekoan, bostek. Ordiziakoan 58 dira kutsatutakoak; Murgarentzat, ez dago konfinamendua ezartzeko beharrik

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

 ©JON URBE / FOKU

Maskara, paisaiaren parte, era orokortuan ez bada ere

Arantxa Iraola - Amaia Ramirez de Okariz Kortabarria - Edurne Begiristain -Olatz Silva

Birusak hedatzen segitzen duela erakutsi dute azken egunotako datuek; izurriari euste aldera, beraz, maskararen erabileraren aldeko ahotsak ozentzen ari dira. Ez da uniformea erabilera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna